Minor Raja Part 28 | Telugu Srungara Kathalu

స్పందించిన ప్రతీ ఒక్కరికీ ధన్యవాదములు. -x-x-x- 36 నేను రంగంలోకి దిగిన తరువాత ఎక్కువ సేపు పట్టలేదు ఫైటింగ్. అంటే నేను ఏదో పీకానూ అని కాదు. అమ్మమ్మ 15 మందిని కుమ్మి పెట్టింది. శివ మామ 10, రంగా మామ 10, భ్రమర పిన్ని 8, నన్ను ఎత్తుకున్న కుర్రాడు 6, హైలైట్ స్వాతక్క.. 12 మంది.  మిగిలిన వాళ్లందరూ కలిపి 9. నేను జస్ట్ 0.  మొత్తం 70 మందిని అందరూ కలిసి పండబెట్టేశారు. ఒక్కడు కూడా లేచి నడిచే పొజిషన్లో లేడు. మా సైడూ దెబ్బలు పడ్డాయి. నన్నెత్తుకున్న కుర్రాడి వీపుని వేట కత్తితో చీరేశారు. రంగా మామ ఎడమ భుజమ్మీద గట్టి దెబ్బ పడింది.  స్వాతి అక్కకి ఎడమ పాదానికీ, పిక్కకీ మధ్యన బాణాకర్ర దెబ్బ తాకింది. గట్టిగానే తగిలింది.. అస్సలు నడవలేకపోతోంది.  జేజి వాళ్లందరికీ వైద్యం చేస్తోంది. మరి జేజి తాత వెళ్లిపోయాడు కదా? ఇంకొకరు ఆ వైద్యుడి పోస్టులో కూర్చునే వరకూ జేజే గూడెం వాళ్లకి వైద్యం చెయ్యాలి ఇంక. స్వాతి అక్క భుజమ్మీద చెయ్యి వేసి సపోర్ట్ ఇస్తే, తను కుంటుతూ జేజి మామ్మ దగ్గరకి వచ్చింది. నేను ఎత్తుకుని తీసుకెళ్తా అన్నా కూడా గూడెం వాళ్లు తేడాగా అనుకుంటారని “వద్దూ” అని తేగేసి చెప్పింది. శివ మామ ఆ చెత్త నాకొడుకులు అందరినీ తాళ్లతో కట్టించేసి, ఫారెస్ట్ డిపార్టుమెంట్ వాళ్లకి ఫోన్ కొట్టాడు. వాళ్లొస్తే మళ్లీ జాగారమే.  వాన కూడా తగ్గు మొహం పట్టింది. నేను ఎంతకీ తిరిగి రావట్లేదు అని సుబ్బు వాడంతట వాడే ఎట్లానో గడప దాటేసి, నాకోసం పరిగెత్తుకుంటూ వచ్చేశాడు. నేను శుభ్రంగా ఉండడం చూసి, “హిహిహ్హీ” అని వాడి స్టాండర్డ్ పలకరింపు పలకరించి, పోయి నేను కనిపించేలా ఓ ప్లేస్ చూసుకుని అక్కడ నడుం వాల్చాడు. నాకేమో ఓ పక్కన టిమటిమలాడుతోంది. ఇంకో పక్కన అక్కకి పెద్ద దెబ్బే తగిలింది. మూడో పక్కన అసాల్ట్ చేసిన వెధవలు మూలుగుతూ పడి ఉన్నారు. నాలుగో పక్కన జేజి తాత శవం. దాని పక్కనే ఘోల్లు ఘోల్లుమంటూ ఏడుస్తున్న జేజి అమ్మమ్మా, రంగి …