episode-96
అమ్మ నేను బయట సోఫాలో కూర్చుని సముద్రం వైపు చూస్తున్నాము. పండు వెన్నెలలో తెల్లని ఇసుక నీలి సముద్రంలో నుంచి మెరుస్తున్నట్టు కనబడుతుంది. నిశ్శబ్దంగా పచ్చని చెట్లతో కూడిన కొండ ఒకవైపు, మంద్రంగా శబ్దం చేస్తు జాలువారుతున్న జలపాతం అక్కడినుంచి పిల్ల కాలువ గుండా పరిగెడుతున్న నీళ్ళ సవ్వడి, మరోవైపు దూరం నుండి వినబడుతున్న సముద్రపు అలల హోరు, వీటికి తోడు కీటకాలు కీచురాళ్ళు చేస్తున్న చప్పుడు ఇవన్నీ కలగలిసి ఏదో తెలియని ప్రశాంతతను కలుగజేస్తున్నాయి. ఇంతవరకు నివసించిన ప్రపంచాన్ని వదిలేసి ఏదో తెలియని ప్రత్యేకమైన లోకంలో ఉన్నట్టు ఒక ఫీలింగ్ కలుగుతుంది. అమ్మ సాలోచనగా సముద్రం వైపు చూస్తూ, ఆ సముద్రం వైపు చూస్తుంటే నాకు మన బీచ్ హౌస్ గుర్తొస్తుంది అని నా భుజం మీద తల వాల్చింది. …. అవునమ్మ,,,, కాకపోతే అక్కడ మన బీచ్ హౌస్ సముద్రానికి కొంచెం దూరంగా ఉంది కానీ ఇక్కడ చాలా దగ్గరగా ఉంది అని అన్నాను.
అక్కడి లాగా ఇక్కడ కూడా ఓపెన్ టెర్రస్ ఉంటే ఎంత బాగుండేదో కదా, ఎంచక్కా అక్కడి లాగే బెడ్ సెట్ చేసుకుని పడుకునే వాళ్ళం అని అంది అమ్మ. …. టెర్రస్ లేకపోతేనేమి ఇక్కడ కావాలంటే వెళ్లి బీచ్ దగ్గరే పడుకోవచ్చు అని అన్నాను. …. ఇసుకలో ఏం పడుకుంటాం నాన్న? …. నేను కొంచెం ఆలోచించి, నీకు అక్కడ పడుకోవాలని ఉంది అంతే కదా నేను ఏర్పాటు చేస్తాను అని పైకి లేచాను. …. మన బుజ్జిముండ ఒక్కర్తే అయిపోతుందేమో నాన్న? …. పర్వాలేదులే అమ్మ ఇక్కడే ఉంటాము కదా, రూములో లైట్ వేసి వెళ్దాం ఒకవేళ బంగారం లేస్తే బయట నుంచి మనకు కనబడుతుంది ఉండు ఇప్పుడే వస్తాను అని చెప్పి లోపలికి వెళ్లి దళసరిగా ఉన్న నాలుగు బ్లాంకెట్స్ రెండు తలగడలు తీసుకొని ప్రీతిని ఒకసారి చూసి తను పడుకున్న రూములో లైట్ ఆన్ చేసి ఉంచి డోర్ క్లోజ్ చేసి వస్తూ ఎందుకైనా మంచిదని హాల్లో కనబడిన ఒక ఛార్జింగ్ లైట్ పట్టుకొని బయటికి వచ్చి, పదమ్మ వెళ్దాం,,, అని అమ్మతో పాటు బీచ్ దగ్గరికి నడిచాను.
అక్కడ ఉన్న బీచ్ టేబుల్ దగ్గరికి వెళ్లి అవన్నీ ఒక దాని మీద పెట్టి మరో బీచ్ టేబుల్ ని ఆ టేబుల్ దగ్గరికి లాగి జత చేర్చాను. మరో రెండు టేబుల్స్ ని వాటికి ఆపోజిట్ గా జత చేర్చి ఒక మీడియం సైజ్ బెడ్ లాగా ఏర్పాటు చేశాను. దానిమీద మూడు బ్లాంకెట్స్ ఒక దాని మీద ఒకటి పరిచి ఓ మాదిరి పరుపులాగా తయారు చేసి మిగిలిన బ్లాంకెట్ కప్పుకోవడానికి కాళ్ల దగ్గర ఏర్పాటు చేశాను. చివరగా రెండు తలగడలు బీచ్ టేబుల్ వాలుగా ఉన్న దగ్గర జారబడడానికి అనువుగా పెట్టి, మన బెడ్ రెడీ కమాన్ అమ్మ,,, అని అన్నాను. …. నా ఏర్పాట్లు చూసి అమ్మ మురిసిపోతూ నా తల పట్టుకుని కిందికి వంచి నా నుదుటి మీద ముద్దు పెట్టి, నా బంగారం,,, ఇలా అంటే అలా ఏర్పాటు చేసాడు అని నన్ను మెచ్చుకొని ఆ బెడ్ మీద కూర్చుని కాళ్లు దులుపుకొని తలగడ మీద వెనక్కి చేరబడి కూర్చుంది. నేను కూడా కాళ్లు దులుపుకుని మరోవైపు చేరి తలగడ మీద జారబడి కూర్చున్నాను. ఇద్దరం అలా చేతులు పెనవేసుకుని ప్రశాంతంగా …
