episode-114
నేను కొంచెం టైం తీసుకోవడానికి కారు నెమ్మదిగా నడుపుతూ వెనక వచ్చే వారిని గమనిస్తూ బ్లూటూత్ లో మా టీంతో ఎప్పటికప్పుడు మాట్లాడుతూ ఒక నిర్మానుష్య ప్రదేశం కోసం చూస్తూ వెళుతున్నాను. ఒక ఏరియాకి వచ్చిన తర్వాత అక్కడి నుంచి ఒక కిలోమీటరు లోపల రైల్వే ట్రాక్ ఉండే ప్లేస్ ఉండడంతో నేను కారును అటువైపు తిప్పి రైల్వే ట్రాక్ దగ్గరకి వెళ్ళిన తర్వాత ట్రాక్ వెంట కొంత దూరం ఎవరూ గమనించకుండా ఉండే ప్రదేశానికి వెళ్లి కారు ఆపి నేను ఎవరిని గమనించ లేనట్టు నటిస్తూ పాస్ పోసుకోవడానికి వెళ్లినట్లు వెళ్లి పాస్ పోసుకున్నాను. ఈడు సరైన ప్లేస్ లో దొరికాడు అని అనుకున్నారో ఏమో రెండు కార్లు వేగంగా దూసుకు వచ్చి నా కారుకి కొంచెం ముందుకు దూసుకువచ్చి ఆపి అందులో నుంచి మనుషులు గబగబా దిగి నన్ను రౌండప్ చేశారు. అప్పటికి పాస్ పోసుకోవడం పూర్తిచేసి వెనక్కి తిరిగి రెండు అడుగులు వేసిన నేను అందర్నీ చూసి ఆశ్చర్యపోతున్నట్టు నటిస్తూ నిల్చున్నాను.
మొత్తం 10 మంది ఉన్నారు అందులో ముగ్గురు కనకరాజు, భరద్వాజ్, జ్యువెలరీ మేనేజర్ కూడా ఉన్నారు. సరిగ్గా అదే సమయానికి తార, వాళ్ళు ముగ్గురు నీ దగ్గరే ఉన్నారు చూస్తున్నావా? అని ఇన్ఫర్మేషన్ ఇచ్చింది. ఆ వెంటనే జెస్సీ కూడా మాట్లాడుతూ, జస్ట్ నీకు ఒక హాఫ్ కిలోమీటర్ దూరంలో ఉన్నాము ఒక ఫైవ్ మినిట్స్ మ్యానేజ్ చెయ్ అని నాతో అన్నాడు. వాళ్ల దగ్గర గన్స్ ఉన్నట్టు నాకు అనిపించలేదు. ఒకవేళ ఉన్నా ఇది సిటీ పరిధిలో జరుగుతుంది కాబట్టి జాగ్రత్త కోసం బయటకు తీయకుండా ఉన్నట్టున్నారు. నేను కనకరాజు వైపు చూసి మాట్లాడుతూ, ఏంటి కనకరాజు గారు ఈ టైంలో ఇక్కడ? అని కొంచెం ఎటకారంగా అడిగాను. …. ఏంట్రా మమ్మల్ని చూస్తుంటే నీకు ఎగతాళిగా ఉందా? మేము ఎలా కనబడుతున్నామురా నీకు? నువ్వు ఏదేదో చేసేస్తుంటే అన్నీ మూసుకుని కూర్చునేంత ఎదవల్లాగా కనపడుతున్నామా? అని అన్నాడు.
నేనేం చేశాను కనకరాజు గారు చేసుకుందంతా మీరే కదా? అని అన్నాను. …. జ్యువెలరీ మేనేజర్ మాట్లాడుతూ, ఇంకా వీడితో మాటలు ఏంటన్నా? కాళ్లు చేతులు విరగ్గొడితే ఆడే అన్ని కక్కుతాడు అని అన్నాడు. …. అవును మరి మీతో ఇరగ్గొట్టించుకోవడానికే ఇక్కడకు వచ్చాను. ఏరా మీకు బ్రెయిన్లు పని చేయవారా? అసలు నాకు ఇక్కడ దాక రావాల్సిన అవసరం ఏముంది అని కూడా ఆలోచించరా? నేను తీసుకువస్తేనే మీరు ఇక్కడికి వచ్చారు. ఇప్పుడు చెప్పండి మ్యాటర్ ఏంటి? అని అడిగాను. …. అంత తెలివి ఉన్నవాడివి మ్యాటర్ ఏంటో నీకు తెలియదా? అని అడిగాడు భరద్వాజ్. …. హలో ఎకౌంటెంట్ గారు మీరు కూడా మాట్లాడుతున్నారే? అని కొంచెం ఎగతాళి చేశాను. …. కనకరాజుకి కోపం పెరిగి, నేను లెక్చర్ వినడానికి ఇక్కడికి రాలేదు. మర్యాదగా ఖాళీ చేసిన మా స్విస్ అకౌంట్స్ లోని సొమ్ము తిరిగి వెనక్కి డిపాజిట్ చేయించు లేదంటే ఈరోజే ఇక్కడే కుక్కచావు చేస్తావు అని బెదిరించాడు.
ఈమాట అడగటానికి ఇప్పుడు దాకా ఎందుకు వెయిట్ చేశారురా? సొమ్మంతా నిన్నే గల్లంతై పోయింది కదా? ఓహో,, రాజకీయ పలుకుబడిని ఉపయోగిద్దాం అనుకున్నారా అందుకేనా నిన్నంతా పొలిటీషియన్స్, సెక్యూరిటీ ఆఫీసర్ల చుట్టూ తిరిగారు? అయినా నా కంపెనీలను ఆసరాగా చేసుకుని నా ప్రాపర్టీస్ వాడుకొని మీరు వందల కోట్లు దొబ్బేస్తే నేను కామ్ గా ఎందుకు ఉంటాను అనుకున్నారురా? ఆరోజు సంతకం పెట్టమనగానే భయపడినట్టు నటించి మీరు సంతకం చేసి కామ్ గా వెళ్లిపోయారు అంటేనే ఇలాంటి సందర్భం ఏదో ఒకటి ఫేస్ చేయాల్సి వస్తుందని నాకు ఆ రోజే తెలుసు అని అన్నాను. …. నాకు మొత్తం విషయాలు తెలుసు అని అర్థం అవ్వడంతో కనకరాజు కోపం కట్టలు తెంచుకొని, అలా చూస్తూ నిల్చున్నారు ఏంట్రా ముందు వాడి కాళ్ళు చేయి విరగ్గొట్టండి చచ్చినట్టు వాడే దారిలోకి వస్తాడు అని హూంకరించాడు. వెంటనే నన్ను …
