Oka Koduku Prayanam | Emotional Telugu Story Series
సమయం చూడగా 12:30 అవుతుండగా బ్యాగు అందుకొని ముగ్గురమూ టన్నెల్ ద్వారా బయటకు వస్తుండగా స్వాతి చిలిపిగా నవ్వుతూ నాకళ్ళల్లోకే అదోరకంగా చూస్తూ నడువగా , ఏంటి ఏంజెల్ అలా చూస్తున్నావు అని అడుగగా , అన్నీ చేసి ఎంత అమాయకంగా అడుగుతున్నాడు చూడు అంటూ మహివైపు నవ్వుతూ అయినా నువ్వంటే నాకు పిచ్చి అన్నట్లుగా నాచేతిని చుట్టేసి గట్టిగా హత్తుకోగా , తియ్యగా నవ్వుతున్న మహిని చూసి నువ్వైనా చెప్పరా ఫ్లైట్ లో ఏదో మాట్లాడారు నాకు చెప్పరాదా అని అడుగగా , సీక్రెట్ బావ అంటూ మరొకవైపు గట్టిగా హత్తుకొని నా వెనుక ఇద్దరూ చేతులుకలిపి నవ్వుకుంటుండగా ,
సరే మీఇష్టం నాకు మీ అందమైన చిరునవ్వు చాలు అంటూ ప్రేమగా ముద్దులుపెట్టి బయటకు వస్తూ ఇప్పుడు ఒక్కసారిగా అమ్మమ్మ మనల్ని ముంబై లో చూసిందంటే సర్ప్రైజ్ తో సంతోషం పట్టలేక షాక్ లో ఉండిపోతుంది అని సంతోషంగా చెబుతూ ఎదురుగా అమ్మమ్మను చూసి నేను సర్ప్రైజ్ లో నిలబడిపోగా , ఏంటి బావ నువ్వు షాక్ కొట్టినవాడిలా ఆగిపోయావు కొంపదీసి అత్తయ్యలకు అమ్మ వచ్చేసారా అనగానే అవునురా అదిగో అమ్మమ్మ అంటూ ఇద్దరి చేతులు పట్టుకొని వేగంగా దగ్గరకు వెళ్లి అమ్మమ్మా అంటూ పాదాలకు నమస్కరించి మీరు ఇక్కడ అంటూ ఆశ్చర్యపోగా , మా బంగారుకొండ వస్తున్నాడని తెలిసి వచ్చేసాను అంటూ తన రెండు చేతులతో నా బుగ్గలు అందుకొని నుదుటిపై ముద్దుపెట్టగా ,
మీకెలా తెలుసు అని ఆశ్చర్యపోతుండగా ఇక్కడ తెలిసిపోతుంది బంగారు అంటూ గుండెలపై చేయివేసి బదులివ్వగా , లవ్ యు అమ్మమ్మా అంటూ మనసారా కౌగిలించుకొనగా , బంగారు ఇద్దరూ నీకేనా అంటూ నవ్వుతూ అడుగగా , అవును అమ్మమ్మా మన ఇంటి కోడళ్లు అంటూ మహి , స్వాతి అని చెప్పగా , ఇద్దరూ అమ్మమ్మ పాదాలకు నమస్కరించగా చల్లగా ఉండండి అంటూ ఆశీర్వదించి ఏమని పిలవాలి అని ఆలోచిస్తుండగా ,
అమ్మమ్మకు తెలిసి కొంపదీసి బామ్మ , …
