మేము నలుగురం మాస్కులు వేసుకుని ఉండటం, ఇంకా ఈ తతంగం జరుగుతున్నంతసేపు మేనేజర్ మౌనంగా ఉండడంతో డ్రైవర్ గాని క్లీనర్ గాని నన్ను గుర్తు పట్టే అవకాశం ఎంతమాత్రం లేదు. పని పూర్తి అయిన వెంటనే డ్రైవర్ తో మాట్లాడుతూ, మీరు కామ్ గా ఇక్కడ జరిగింది ఏమీ తెలియనట్టే బండి తీసుకుని వెళ్లిపోండి లేదంటే మీరు కష్టాల్లో పడతారు అని చెప్పేసరికి డ్రైవర్ చేతులెత్తి దండం పెడుతూ, చాలా థాంక్స్ సార్,, అని చెప్పి, ఒరేయ్ తొందరగా పద ఈ భూమ్మీద మనకి ఇంకా నూకలు ఉన్నాయి అని క్లీనర్ తో అంటూ గబగబా బండెక్కి స్టార్ట్ చేసుకుని వెళ్లిపోయారు. …. మరి ఈడి సంగతేంటి? అని అడిగింది తార? …. నేను నా జేబులో ఉన్న వాడి మొబైల్ తీసి జాగ్రత్తగా వాడి షర్టు తోటే ఫింగర్ ప్రింట్స్ లేకుండా తుడిచి వాడి జేబులో పెట్టి, నీ ఇష్టం తార,,, అని అన్నాను. అంతే వెంటనే ఒక్క క్షణం కూడా ఆలోచించకుండా మేనేజర్ తలలో బుల్లెట్ దింపేసింది.
నువ్వు రాక్షస జాతిలో పుట్టి యమలోకంలో ఉండాల్సిన దానివే అని నవ్వుతూ అన్నాడు జెస్సీ. …. ఎక్కడైతే నేమి చేసే పని మాత్రం అదే కదా అని నేను కూడా సరదాగా జోక్ చేశాను. ఈ టైం లో హెవీ వెహికల్స్ ఘాట్ రోడ్ లో తిరగడానికి అనుమతించరు అందువలన ఈ రోడ్ లో ట్రాఫిక్ లేకపోవడంతో మా పని కూడా సులువుగా అయిపోయింది. ఇక నా ఆలోచనలో భాగంగా చివరి ఘట్టం మిగిలి ఉంది. దించిన లోడ్ దగ్గర ఒక పేపర్ మెద DD అని రాసి పెట్టమని సోముతో చెప్పగా సోము వెంటనే ఆ పని చేశాడు. మేమంతా అక్కడినుంచి నడుచుకుని కార్ దగ్గరికి చేరుకొని కార్ లో ఉన్న నా లాప్టాప్ తీసి మొట్టమొదటిసారి పప్పీ నాకు నేర్పిన టెక్నికల్ స్కిల్ ఉపయోగించడానికి రెడీ అయ్యి ఏం మాట్లాడాలో ఎలా మాట్లాడాలో సోముకి ముందుగానే చెప్పి సెక్యూర్ లైన్లో రుద్రకి కాల్ …
