కానీ మిమ్మల్ని మేనేజర్ పోస్టులో మాత్రం ఉంచలేను. ఇదిగో ఈమె పద్మిని గారు ఈరోజు నుంచి ఈవిడే ఇక్కడ మేనేజర్. మీరు ఆమెకు అసిస్టెంట్ గా పని చేయగలిగితే చేయండి లేదంటే రిజైన్ చేసి కంపెనీ నుంచి మీకు రావలసిన బెనిఫిట్స్ తీసుకొని వెళ్ళిపొండి అని అన్నాను. …. అతను వెంటనే వస్తున్న కన్నీళ్ళు తుడుచుకుంటూ, థాంక్యూ సార్,, థాంక్యూ వెరీ మచ్,,, మేడం దగ్గర అసిస్టెంట్ మేనేజరుగా పని చేయడానికి నాకు ఎటువంటి అభ్యంతరం లేదు. నన్ను క్షమించినందుకు నా హృదయపూర్వకంగా కృతజ్ఞతలతో పాటు క్షమాపణలు చెప్పుకుంటున్నాను. ఇక మీదట కంపెనీకి కష్టం కలిగించే పనులు నా వైపు నుంచి జరగదని ప్రమాణం చేసి చెబుతున్నాను అని చేతులెత్తి నమస్కారం పెట్టాడు. …. చూడండి మీరంతా నిజాయితీగా కంపెనీ అభివృద్ధి కోసం పని చేస్తే మీ జీవితాలు బాగా ఉండేటట్టు చూసుకునే బాధ్యత నాది. కానీ కంపెనీకి నష్టం కలిగించే పనులు చేస్తే నాకేమీ పోయేది లేదు ఈ కంపెనీ మీద ఆధారపడి పని చేస్తున్న చాలామంది బతుకులు రోడ్డున పడతాయి. ఆ విషయాన్ని దృష్టిలో పెట్టుకుని పని చేస్తే అందరికీ మంచిది. మీ పోస్టింగుకి సంబంధించిన పత్రాలు రేపు ఫాక్స్ లో వస్తాయి పద్మిని గారి చేతులమీదుగా తీసుకోండి. డోంట్ వర్రీ మీ జీతం ఏమీ తగ్గదు అని చెప్పాను. అందుకు ఆయన మరొకసారి థాంక్స్ చెప్పి కుదుటపడ్డాడు. ఆ తర్వాత మేమందరం ఒకసారి ఫ్యాక్టరీ అంతా తిరిగి చూసి పద్మిని గారికి తెలియవలసిన విషయాలు తెలియజేసి అక్కడినుంచి బయలుదేరి రజినీని తిరిగి ఆఫీస్ దగ్గర దించి నేరుగా లాయర్ అంకుల్ వాళ్ళ ఇంటికి వెళ్లి వాళ్లను కూడా దించేసి బాయ్ చెప్పి అక్కడి నుంచి పుష్ప వదిన ఇంటికి బయలుదేరాను.
నేను వదిన ఇంటికి చేరుకుని డోర్ కొట్టగానే నా డార్లింగ్ వచ్చి డోర్ తెరిచి నన్ను చూసి అమితానందంతో గబగబా జగ్గుతో నీళ్ళు తీసి నా కాళ్ల మీద పోసి నా చెయ్యి పట్టుకొని లోపలికి తీసుకుని వెళ్ళింది. హాల్లో బుడ్డోడు టీవీ చూస్తూ పాటలకి డాన్స్ చేస్తున్నాడు. ఇంట్లో ఇంకెవరూ కనిపించకపోయేసరికి, ఏంటి డార్లింగ్ ఇంకా ఇద్దరూ రాలేదా? అని అడిగాను. …. మీ అన్న ఇప్పుడే వచ్చాడు వదిన మాత్రం ఇంకా రాలేదు అని చెప్పి మెట్ల దాకా వెళ్లి, ఒరేయ్ వీర్రాజు దీపు బాబు వచ్చాడు అని ఒక కేకవేసి తిరిగి నా దగ్గరికి వచ్చి సోఫాలో నా పక్కనే కూర్చుని, ఏ జన్మలో ఏ బంధం ఉందో గాని ఈ జన్మలో నీకు బాగా రుణపడి పోతున్నాము నీ కాళ్లు కడిగి …
