రాము వెంటనే అక్కడ ఉన్న హ్యాకర్ అజయ్‍ని పిలిచి, “అజయ్….అజయ్….ఇక్కడ ఉన్న క్యూబాక్స్ ఎక్కడ….” అనడిగాడు.

అజయ్ అక్కడకు వచ్చి మిషన్ వైపు చూస్తూ, “తెలియదు సార్….” అంటూ ఏదో ఆలోచించి, “సార్ ఇందాక ప్రసాద్ గారు వచ్చారు…ఆయన చేతిలో ఏదో బాక్స్ ఉండటం చూసాను,” అన్నాడు.
ఆ మాట వినగానే రాముకి మొత్తం అర్ధమయిపోయి అక్కడ నుండి బయటకు వచ్చాడు.
ఇక ప్రసాద్ విషయానికి వస్తే డిజిటల్ బాక్స్ తీసుకుని తన ఇంటి వైపు కారుని వేగంగా పోనిస్తున్నాడు.
మధ్యలో ఏదో ఆలోచన వచ్చిన వాడిలా జీప్‍ని ఆపి డాష్‍బోర్డ్‍లో ఉన్న మైక్రో కెమేరాని తన షర్ట్‍కి తగిలించుకుని….ఫోన్ తీసుకుని రాముకి కాల్ చేసాడు.
అప్పుడే ల్యాబ్ నుండి బయటకు వచ్చిన రాము ఫోన్ మోగడంతో ప్రసాద్ పేరు కనిపించే సరికి లిఫ్ట్ చేసి, “ప్రసాద్… ఎక్కడున్నావు….క్యూ బాక్స్ ఎందుకు తీసుకెళ్ళావు,” అన్నాడు.
దాంతో ప్రసాద్, “సార్….మేజర్ నాగేష్ (వెంకట్) నా ప్యామిలీని మొత్తం ఇంట్లో బంధించాడు…ఇది ఇవ్వకపోతే వాళ్లను చంపేస్తాను అంటున్నాడు….ఇప్పుడు నేను నా షర్ట్‍కి సీక్రెట్ కెమేరా పెట్టుకున్నాను….దాన్ని మీ ఫోన్‍కి కనెక్ట్ చేస్తాను….మనం లీగల్‍గా మేజర్‍ని ఏమీ చేయలేము….అందుకని జరుగుతున్న లైవ్ మొత్తం మన డిపార్ట్‍మెంట్‍లో అందరికీ చూపించండి…అప్పుడు మనకు సాక్ష్యం లభిస్తుంది….కాని ఎట్టి పరిస్థితుల్లోనూ క్యాబాక్స్ మాత్రం వాడికి దొరకనివ్వను,” అన్నాడు.
“అది సరె….ప్రసాద్….నువ్వు ఇంటికి వెళ్ళి ముందు వాళ్ళను విడిపించు….నీ వెనకాలే నేను కూడా వస్తున్నాను….అ క్యూబాక్స్ వాడి చేతికి వెళ్ళినా పర్లేదు…ఇప్పుడు నువ్వు ఇస్తున్న లైవ్ మాత్రం కట్ అవకుండా….క్లియర్‍గా ఉండేట్టు చూడు…” అంటూ రాము తన కారులో కూర్చుని ప్రసాద్ ఇంటి వైపు పోనిచ్చాడు.
ప్రసాద్ కూడా సరె అని కెమేరాని ఫోన్‍కి కనెక్ట్ చేసాడు.
దాంతో రాము ఫోన్‍కి ఏం జరుగుతున్నది మొత్తం కనిపిస్తున్నది.
ఆ వీడియోని రాము వెంటనే కమీషనర్‍కి, మిగతా తన టీమ్‍కి, అలాగే సోషల్ మీడియాలో లైవ్ వచ్చేట్టు కనెక్ట్ చేసాడు.
ప్రసాద్ తన ఇంటి ముందు జీప్ ఆపి క్యూ బాక్స్ తీసుకుని తలుపు తీసుకుని లొపలికి వచ్చాడు.
లొపల హాల్లో ఒక మూల నేల మీద రాశి, విజయ్, తులసి భయపడుతూ కూర్చున్నారు.
వాళ్ల ఎదురుగా మేజర్ నాగేష్(వెంకట్) గన్ పట్టుకుని వాళ్ళ వైపు చూపిస్తూ బెదిరిస్తున్నాడు.
డోర్ తీసుకుని లోపలికి వచ్చిన ప్రసాద్ వైపు చూసి మేజర్ నాగేష్ (వెంకట్) సోఫాలోనుండి లేచి క్యూ బాక్స్ ఇవ్వమన్నట్టు చెయ్యి చాపాడు.
ప్రసాద్ మెల్లగా క్యూబాక్స్ మేజర్ నాగేష్ (వెంకట్) చేతిలొ పెట్టాడు.
ఇదంతా లైవ్‍లో రాము, కమీషనర్, సెక్యూరిటీ అధికారి డిపార్ట్‍మెంట్, సోషల్ మీడియా మొత్తం చూస్తున్నది.
క్యూ బాక్స్ తీసుకున్న తరువాత మేజర్ నాగేష్(వెంకట్) ఏమీ మాట్లాడకుండా గన్‍తో ప్రసాద్‍ని కాల్చేసాడు.
తరువాత తులసి వాళ్ల వైపు చూస్తూ, “ఈ విషయం ఎవరికైనా చెప్పారంటే మీ ప్రాణాలు కూడా పోతాయ్,” అంటూ అక్కడ నుండి వెళ్ళిపోయాడు.
అతను వెళ్ళిపోగానే తులసి పరిగెత్తుకుంటూ ప్రసాద్ దగ్గరకు వచ్చి అతన్ని కుదుపుతూ ఏడుస్తున్నది.
రాశి, విజయ్ కూడా ప్రసాద్ కదలకుండా ఉండటం చూసి ఏడుస్తూ ఉన్నారు.
అప్పుడే రాము, మానస ఇంట్లోకి వచ్చి ప్రసాద్ బుల్లెట్ దెబ్బ తగిలి నేల మీద కదలకుండా పడి ఉండటం చూసి దగ్గరకు వచ్చి, “ప్రసాద్….ప్రసాద్,” అని కదిలిస్తున్నాడు.
మానస వెంటనే ప్రసాద్ చేయి పట్టుకుని పల్స్ చూసింది.
పల్స్ ఇంకా కొట్టుకుంటూ ఉండటంతో రాము వైపు చూసి, “రాము….వెంటనే ప్రసాద్‍ని హాస్పిటల్‍కి తీసుకెళ్దాం….బ్రతికే ఉన్నాడు,” అన్నది మానస.
దాంతో రాము వెంటనే తన చేతులతో ప్రసాద్‍ని పైకి ఎత్తుకుని బయటకు తీసుకువచ్చి కారులో కూర్చోబెట్టుకుని హాస్పిటల్‍కి తీసుకెళ్లారు.
అక్కడ వెంటనే డాక్టర్లు ప్రసాద్‍కి ఆపరేషన్ చేసి అతని ఒంట్లో ఉన్న బుల్లెట్ తీసేసారు.
బయటకు వచ్చిన డాక్టర్, “ప్రసాద్‍కి ఇక ప్రమాదం లేదు….రెండు గంటల్లో సృహ వచ్చేసుద్ది….వెళ్ళి చూడొచ్చు,” అన్నాడు.
ఆ మాట వినగానే రాము, తులసి అందరూ ఒక్కసారిగా గాలి పీల్చుకుని డాక్టర్‍కి థాంక్స్ చెప్పి ప్రసాద్‍ని చూడటానికి వెళ్లారు.
ప్రసాద్‍కి ప్రాణాపాయం లేదనగానే రాము సంతోషంతో కమీషనర్‍కి కాల్ చేసి, “సార్…లైవ్ చూసారు కదా…” అన్నాడు.
కమీషనర్ : రామూ….ఈ సాక్ష్యం చాలు….ఆ మేజర్‍ని అరెస్ట్ చేయడానికి….
రాము : ఇప్పుడే వస్తున్నాను సార్….
అంటూ ఫోన్ కట్ చేసి కమీషనర్ ఆఫీస్‍కి వెళ్లాడు.
అక్కడ వాళ్ళిద్దరూ కూర్చుని ఫోన్‍లో ప్రసాద్ ఫ్యామిలీని బెదిరిస్తున్న వీడియోని, ప్రసాద్‍ని షూట్ చేసిన వీడియోని ఆర్మీ హెడ్‍క్వార్టర్స్‍కి పంపించారు.
ఆ వీడియో చూసిన వెంటనే మేజర్ నాగేష్(వెంకట్) మీద బ్రిగేడియర్ అరెస్ట్ వారెంట్ ఇష్యూ చేసేసాడు.
ఇక ఆ వారెంట్ తీసుకుని రాము తన డిపార్ట్‍మెంట్‍తో, ఆర్మీ వాళ్ళు కొంత మంది కలిసి మేజర్ నాగేష్(వెంకట్)ని అరెస్ట్ చేయడానికి వచ్చారు…వాళ్లతో పాటు కల్నల్ కూడా ఉన్నాడు.
అప్పటికి జరిగిన విషయం తెలియని మేజర్ నాగేష్ (వెంకట్) టీ తాగుతూ కూర్చున్నాడు.
కమీషనర్ : మిమ్మల్ని అరెస్ట్ చేస్తున్నాం మేజర్….
మేజర్ నాగేష్ (వెంకట్) : ఎందుకు….అయినా మా డిపార్ట్‍మెంట్ కూడా వచ్చిందేంటి….
రాము : రాత్రి నువ్వు నీ పవర్‍ని ఉపయోగించి ఒక పోలీసాఫీసర్‍ని చంపడానికి ప్రయత్నించావు కదా….ఆ కేసులో నిన్ను అరెస్ట్ చేస్తున్నా….(అంటూ వీడియో చూపించాడు.)
మేజర్ నాగేష్(వెంకట్) : అది నువ్వు సృష్టించింది రామూ….నా మీద కోపంతో ఇదంతా చేస్తున్నావు…..
రాము : నాకు మీ మీద కోపం ఎందుకు ఉంటుంది మేజర్….మీకు నాకు అసలు పరిచయం కూడా లేదు….(అంటూ చీకట్లో బాణం వేసాడు.)
మేజర్ నాగేష్(వెంకట్) : (అప్పటికే కోపంతో ఏం చేస్తున్నాడో….మాట్లాడుతున్నాడో అర్ధం కాని పరిస్థితిలో) ఎందుకంటే… నేను నీకు బాగా తెలుసు….
రాము : అదే….నేను చెప్పేది…నాకు ఇంతకు ముందు కూడా నీతో పరిచయం లేదు….
మేజర్ నాగేష్ (వెంకట్) : ఎందుకంటే….నేను వెంకట్ అని నువ్వు తెలుసుకున్నావు….అందుకు…(అంటూ కోపంలో నోరు జారాడు.)
అయితే అక్కడ జరుగుతున్నదంతా వీడియో తీస్తుండటంతో మేజర్ నాగేష్(వెంకట్) తన నోటితో నిజాన్ని ఒప్పుకోవడంతో వాళ్లకి సాక్ష్యం ఇంకా బలంగా దొరికింది.
మేజర్ నాగేష్ (వెంకట్) : అయినా ఇదంతా వీడియోలో ఉన్నది నేను కాదు….వీడియో మార్ఫింగ్ చేసి ఎవరో మొహానికి నా ఫేస్ పెట్టారు…..
రాము : ఇక ఎక్కువ ఆర్గ్యూ చేయడం వలన ఉపయోగం లేదు మేజర్….సారీ వెంకట్…నువ్వు ప్రసాద్ మీద మర్డర్ ఎటాక్ చేసింది మొత్తం లైవ్‍లో అందరు చూసారు….
కల్నల్ : మేజర్ నాగేష్…నీ గేమ్ పూర్తి అయిపోయింది….నీ అంతట నువ్వు సరెండర్ అయ్యి కోర్ట్ మార్షల్‍కి రెడి అవ్వు…
కమీషనర్ : డాక్టర్ వెంకట్ నుండి…ల్యాబ్‍లో క్యూబాక్స్, ప్రసాద్ మీద మర్డర్ ఎటాక్ మొతం కల్నల్‍కి సాక్ష్యాలతో సహా సబ్‍మిట్ చేసాము….
కాని మేజర్ నాగేష్(వెంకట్) తన రివాల్వర్ తీసుకుని కమీషనర్ నుదిటి మీద పెట్టాడు.
దాంతో అక్కడ ఉన్న వాళ్ళు రాముతో సహా అందరూ తమ గన్స్ తీసి మేజర్ నాగేష్(వెంకట్) వైపు aim చేసారు.
మేజర్ నాగేష్(వెంకట్) : నో….నో….మీలో ఎవరు ముందుకు అడుగు వేసినా నేను కమీషనర్‍ని చంపేస్తాను….(అంటూ కమీషనర్‍ని తన రూమ్ లోకి తీసుకెళ్ళి అక్కడ డెస్క్‍లో ఉన్న క్యూబాక్స్ తీసుకుని బయటకు వచ్చి) నేను వెళ్ళే వరకు ఎవరైనా అతితెలివి ప్రదర్శించారో మీ కమీషనర్‍ని చంపేస్తాను….
అలా వెళ్తుండగా ఒక సోల్జర్ తన చేతిలో ఉన్న గన్‍తో మేజర్ నాగేష్(వెంకట్) మీద ఎటాక్ చేయడానికి ట్రై చేసాడు.
కాని మేజర్ వెంటనే రియాక్ట్ అయ్యి ఆ సోల్జర్ కాలి మీద కాల్చేసాడు.
కల్నల్ : మేజర్….ఇప్పటికే తప్పు చేసావు….మళ్ళీ తప్పు చేయొద్దు…సరెండర్ అయిపో…..
మేజర్ నాగేష్ (వెంకట్) : ప్లీజ్ సార్…నాకంటూ ఒక మర్యాద ఉన్నది….చీప్‍గా బిహేవ్ చెయ్యొద్దు అని చెప్పండి….
అంటూ కమీషనర్‍ని అడ్డం పెట్టుకుని ఇంటి నుండి బయటకు వచ్చాడు.
కమీషనర్‍ని కార్లో కూర్చోబెట్టి మేజర్ కూడా పక్కనే కూర్చుని గన్‍ని అతని తల మీద పెట్టి, “ముందు ఇక్కడ నుండి పోనివ్వు,” అన్నాడు.