episode-111
అను, జ్యోతి లను డ్రాప్ చేసిమేము నలుగురం ఇంటికి బయలుదేరాము. ఒక్క రజినీ విషయంలో తప్ప అను సాయంత్రం నుంచి ఇప్పటివరకు చాలా హ్యాపీగా కనిపించింది. ఒక టైంలో జ్యోతి నాతో మాట్లాడుతున్నప్పుడు అను నా వైపు మెచ్చుకోలుగా చూసింది కూడా. ఇందాక అందరితో కలిసి స్నాక్స్ తింటున్నప్పుడు కూడా నా పెదవుల పక్కన క్రీం అంటుకుంటే తన చున్నీతో క్లీన్ చేసింది. అను చేసే ఇటువంటి చిన్న చిన్న పనులు చాలా మురిపెంగా అనిపించడమే కాదు అవి నా మదిలో స్టోర్ అయిపోతున్నాయి. అను ఆలోచనలతో కాసేపటికి ఇంటికి చేరుకున్నాము. డిన్నర్ టైం కావడంతో అంకల్ మా కోసమే వెయిట్ చేస్తూ టీవీ చూస్తూ కూర్చున్నారు. ఇంట్లోకి వెళుతూనే అమ్మ అందరికీ డిన్నర్ ఏర్పాటు చేసే పనిలో మునిగిపోయింది. ప్రీతి, పవిత్ర తాము చూసిన నా ఆఫీసు విశేషాలన్నీ అంకుల్ తో పంచుకుంటున్నారు.
ఆ తర్వాత అమ్మ పిలవడంతో అందరం వెళ్లి డైనింగ్ టేబుల్ పై కూర్చుని సరదాగా మాట్లాడుకుంటూ డిన్నర్ పూర్తి చేసాము. ఆ తర్వాత అంకుల్ నేను గార్డెన్ లోకి వెళ్లి అటు ఇటు తిరుగుతూ కాసేపు బిజినెస్ విషయాలు మాట్లాడుకున్నాము. నేను కూడా ఈ మూడు రోజులు జరిగిన విషయాలన్నీ అంకుల్ కి చెప్పి ఆయన సలహాలు కూడా తీసుకున్నాను. ఆ తర్వాత అంకుల్ నాకు గుడ్ నైట్ చెప్పి తన బెడ్రూమ్ లోకి వెళ్లిపోగా హాల్లో సోఫాలో కూర్చుని మాట్లాడుకుంటున్న ముగ్గురు దగ్గరికి చేరుకున్నాను. సరే టైం అయిపోయింది గాని మీరు పైకి పొండి అని అమ్మ ప్రీతి పవిత్రలను ఉద్దేశించి అంటూ సరదాగా ఆట పట్టించింది. …. వెంటనే పవిత్ర మొహం వాడిపోయింది. అది చూసి ప్రీతి మాట్లాడుతూ, ఈరోజు అన్నయ్య మాతోనే పడుకుంటాడు నువ్వే నీ రూమ్ లోకి పో అని అమ్మని గుడ్లురిమి చూసింది.
నేను కూడా పవిత్రని సరదాగా ఆట పట్టిస్తూ, అవునే బుజ్జమ్మ,, మీరిద్దరూ వెళ్లి పడుకోండి ప్రీతి తోడుగా ఉంది కదా అని అన్నాను. …. ఇక దానికి …
