Naa Autograph Sweet Memories – 176 | ఆటోగ్రాఫ్ స్వీట్ మొమరీస్ | jabbardasth.in
prasad_rao16
Naa Autograph Sweet Memories – 1 || ఆటోగ్రాఫ్ స్వీట్ మొమరీస్
శిరీష తన ఎడమ చేతిని రాము వైపు చాపుతూ, “నువ్వే పెట్టు,” అన్నది.
రాము ఒక్కసారి శిరీష వైపు చూసి నవ్వుతూ డైమండ్ రింగ్ తీసుకుని ఎడమ చేత్తో శిరీష చేతిని పట్టుకుని కుడిచేత్తో ఆమె ఎడమ చేతి ఉంగరం వేలికి పెట్టాడు.
శిరీష ఒక్కసారి తన చేతికి ఉన్న ఉంగరాన్ని ఆనందంగా చూసుకుంటూ, “చాలా థాంక్స్ బావా,” అంటూ రెండు చేతులతో రాము తలను పట్టుకుని దగ్గరకు లాక్కుని పెదవుల మీద ముద్దు పెట్టుకున్నది.
రాము కూడా ఒక్కసారి శిరీష పెదవులను ముద్దు పెట్టుకుని వెంటనే, “శిరీ…ఏంటిది…” అన్నాడు.
శిరీష కూడా తన పెదవులను తుడుచుకుంటూ, “సారి బావా….ఆనందంలో నన్ను నేను కంట్రోల్ చేసుకోలేకపోయాను,” అన్నది.
అప్పటికే అక్కడ ఉన్న వాళ్ళందరూ తమ వైపు నవ్వుతూ చూస్తుండటంతో రాము, “శిరీ…ఇక ఇక్కడ నుండి వెళ్దాం పద…అందరు మనల్నే చూస్తున్నారు,” అంటూ చైర్‍లో నుండి పైకి లేచాడు.
శిరీష కూడా పైకి లేవడంతో ఇద్దరూ అక్కడ నుండి బయటకు వచ్చారు.
ఆ రోజు సాయంత్రం వరకు రాము, శిరీష ఇద్దరూ హ్యాపీగా తిరిగిన తరువాత మూవీకి వెళ్ళారు.
మూవి అయిపోయిన తరువాత రాము తన కారులో శిరీషను ఇంటి దగ్గర దింపి ఇంటికి వచ్చేసాడు.
తరువాత నాలుగు రోజులు శిరీష రోజు రాము వాళ్ళింటికి వచ్చి రాముతో టైం స్పెండ్ చేసింది.
అలా వారం రోజుల తరువాత రాము మళ్ళీ డ్యూటీలో జాయిన్ అయ్యాడు.
కాని తల మీద దెబ్బ తగ్గకపోవడంతో అప్పుడప్పుడు కొంచెం మైకం లాగా కమ్ముతుండటంతో….ఆ విశయం తెలిసిన ప్రసాద్ రాము డ్యూటీలో ఉన్నంత సేపూ వెంటే ఉండేవాడు.
ఇంటికి వెళ్ళిన తరువాత ఇంట్లో వాళ్ళు రాము పక్కనే ఉండి కనిపెట్టుకుని ఉండే వారు.
హాస్పిటల్ ఉన్నప్పుడు రాము విషయం తెలిసిన మానస కూడా హాస్పిటల్ కి వచ్చి హెల్త్ గురించి ఎంక్వైరీ చేసి వెళ్ళింది.
వారం రోజుల్లో మానస రోజూ వచ్చి రాముని చూసుకుని వెళ్ళేది.
రాము హెల్త్ గురించి అంత శ్రధ్ధ చూపిస్తున్న మానసను చూసి రఘు, కరుణ ఇద్దరూ సంతోషంగా మానసని రాముకి ఇచ్చి పెళ్ళి చేయడానికి నిర్ణయించుకుని ఆమె గురించి ఎంక్వైరీ చేయించారు.
అలా తన ఆఫీస్ లో పని చేసుకుంటున్న రాముకి కమీషనర్ నుండి ఫోన్ రావడంతో ఆయన్ను కలవడానికి కమీషనర్ ఆఫీస్ కి వెళ్ళాడు.
రాము కమీషనర్ కేబిన్ లోకి వెళ్ళి సెల్యూట్ చేసాడు.
కమీషనర్ తల ఎత్తి రాము వైపు చూసి ఎదురుగా ఉన్న చైర్ చూపించి, “కూర్చో రామూ….” అన్నాడు.
“థాంక్యూ సార్….ఇవ్వాళే డ్యూటీలో జాయిన్ అయ్యాను సార్,” అన్నాడు రాము.
కమీషనర్ : ఏంటి రామూ….రెస్ట్ తీసుకుని బోర్ కొట్టింది….
రాము : అవును సార్….ఇంట్లో ఉండి ఉండి చాలా బోర్ కొట్టేసింది సార్….
కమీషనర్ : అలాగె జాయిన్ అవుదువు …
