మరుసటి రోజు పొద్దున్న నేను నాలుగు గంటలకు లేచి తొందరగా ఫ్రెష్ అయ్యి బయటికి వచ్చి చూసేసరికి బెంజి హాల్లో కూర్చుని నా కోసం వెయిట్ చేస్తున్నాడు. నన్ను చూసి, నువ్వు నీ జాగింగ్ సూట్ వేసుకునిరా మనం ఇప్పుడు జాగింగ్ కి వెళ్ళాలి అని చెప్పాడు. అతను చెప్పినట్టే నేను జాగింగ్ సూట్ వేసుకుని రెడీ అయ్యి మేమిద్దరం బయటికి వచ్చి జాగింగ్ మొదలు పెట్టాము. ఒక రెండు గంటల పాటు జాగింగ్ చేసిన తర్వాత మళ్లీ రూమ్ కి చేరుకున్నాము. అప్పుడు బెంజి ఇద్దరికీ జ్యూస్ తీసుకొని వచ్చాడు. ఇద్దరం జ్యూస్ తాగి కొంచెం రిలాక్స్ అయిన తర్వాత మళ్లీ బయటికి తీసుకు వచ్చి నిన్న చేసినట్టు మార్షల్ ఆర్ట్స్, కిక్ బాక్సింగ్ లాంటి వాటితో పాటు మరి కొన్ని రకాల ఎక్సర్సైజులు వంటివి చేయించాడు. మధ్యాహ్న భోజనం అయిన తర్వాత నిన్నటి లాగే షూటింగ్ ప్రాక్టీస్ చేయించి అందుకు కావలసిన చిట్కాలు కిటుకులు గురించి చెబుతూ సాయంత్రం వరకు రకరకాల పనులు చేయించాడు.
సాయంత్రం అన్ని రకాల ట్రైనింగ్ పూర్తయిన తర్వాత లోపలికి వెళ్లగానే ఎవరో డోర్ కొట్టిన చప్పుడు వినిపించింది. బెంజి వెళ్లి డోర్ ఓపెన్ చేసి బయట ఉన్న వ్యక్తులను పలకరించి వాళ్లను లోపలకి తీసుకుని వచ్చాడు. ఆ వచ్చిన వాళ్ళు సుమారు ఆరు గాడిదలు మీద పెద్ద పెద్ద మూటలు తీసుకుని వచ్చారు. బెంజి ఆ వ్యక్తులతో ఆ మూటలు అన్నింటినీ లోపల సర్దించి వాళ్లకు థాంక్స్ చెప్పి సాగనంపాడు. ఆ తర్వాత ఇద్దరం కలిసి ఆ మూటలను ఓపెన్ చేసి అందులో వచ్చిన సామాను అంతా లోపల సర్దాము. ఆ వచ్చిన వాటిలో మా ఇద్దరికీ రెండు నెలలపాటు తినడానికి సరిపోయే విధంగా బియ్యం, …
