మదన సుందరి – 132 వ భాగం – Continued
రచన: గుడ్ మెమొరీస్
This Episode 10 Pages – Posted on MAY 3, 2024
============================================
(మీ అభిప్రాయాలను nrtalkies@gmail.com కి తెలియచేయండి)
============================================
– 4 –
కంపెనీని కాపాడవలసిన MD గారే కంపెనీకి ద్రోహం చేస్తున్నారు అని మేము నమ్మినప్పుడు మేమెలా ఈ విషయాలను బయటకు చెప్పగలం చెప్పండి..? ఇప్పుడు MD గారు మమ్మల్ని గదిలోకి పిలిచి మామీద కేకలు వేసేవరకూ ఆ సేల్స్ టీమ్ మొత్తం MD గారికి కూడా తెలియకుండా ఆయన వెనకాల గూడుపుఠాణీ చేసేరని ఇప్పటివరకూ మాకు కూడా అర్ధమవ్వలేదు.
సరే నేను టెన్షన్ తట్టుకోలేకపోతున్నాను. ఇంతకీ ఆ బిడ్ మన కంపెనీ చెయ్యి జారిపోనీకుండా మీరిద్దరూ ఏం చేశారో అది ముందు చెప్పండి అని అడిగాడు రమణ. రమణ ఆ విషయాన్ని అడిగినప్పుడు బ్రహ్మం, సుందరం నవ్వుతూ.. ఆ బిడ్ మన చేజారిపోకూడదు అని మేము ఇద్దరం కలిసి మన సేల్స్ టీమ్ కి తెలియకుండా రహస్యంగా మన కంపెనీ పేరుమీద ఇంకో బిడ్ దాఖలు చేసాము.
వీళ్ళు చెప్పిన మాట విన్న రమణ తుళ్లిపడుతూ.. “ఆ” అదెలా సాధ్యం..? ఒక కంపెనీ పేరు మీద మనం ఒక బిడ్ మాత్రమే వెయ్యగలం కదా..? ఆశ్చర్యంగా అడిగాడు రమణ.
నిజమే, ఆ సంగతి మాలు తెలియదా..? అందుకే మెగా ప్రొజక్ట్స్ డివిజన్ అఫ్ **** (మన) కంపెనీ లిమిటెడ్ అన్న పేరు మీద మేము ఆ రెండో బిడ్ వేసాము. ఆ బిడ్ లో మన MD గారి సంతకాలు ఉన్న అసలు కాగితాలను పెట్టాము. మన సేల్స్ టీమ్ కు ఇచ్చిన బిడ్ కాగితాలలో మన MD గారి సంతకంలా మేమిద్దరం సంతకాలు చేసాము. అలాగే మన MD గారి స్టాంప్ కి దగ్గరగా ఉండేలా మేము అక్కడ ఒక రబ్బర్ స్టాంప్ తెయారు చేయించి ఆ దొంగ స్టాంప్ వేశాము. వాళ్లిద్దరూ చెప్పింది విన్న రమణ గుండె బేజారైపోయింది. మీరిద్దరూ ఎంత పెద్ద తప్పు చేశారో తెలుస్తున్నాదా ..? ఫోర్జరీ కేసు పెడితే మీరిద్దరూ జీవితాంతం జైల్లో చిప్పకూడు తింటారు. మీరిద్దరికీ మతి ఉండే …
