episode-86
అమ్మ నా భుజానికి ఉన్న కట్టు చూడగానే కంగారు పడుతూ నా దగ్గరికి వచ్చి, ఏంటి నాన్న ఏమైంది? చేతికి ఆ కట్టు ఏంటి? అని అడిగింది. …. ఏం లేదులే అమ్మ,,, చిన్న దెబ్బ తగిలింది అంతే అని అన్నాను. …. చిన్న దెబ్బ అయితే కట్టు ఎందుకు కట్టారు? నువ్వు నా దగ్గర ఏదో దాస్తున్నావు అని నా కళ్ళలోకి సూటిగా చూసింది. అప్పటికే అమ్మ కంట్లో నీరు చేరిపోయింది. …. ఏం లేదని చెప్తున్నాను కదా అమ్మ అంతలోనే కన్నీరు పెట్టుకోవాలా? అని దగ్గరకు తీసుకుని కన్నీళ్లు తుడిచి, నేను నీతో కొన్ని విషయాలు చెప్పాలి మనం రేపు మధ్యాహ్నం మాట్లాడుకుందాం ముందు పద అక్కడ అంకుల్, బంగారం డైనింగ్ టేబుల్ దగ్గర వెయిట్ చేస్తూ ఉంటారు అని చెప్పి అమ్మ నుదిటి మీద ముద్దుపెట్టాను. అమ్మ కన్నీరు ఆగింది గాని మొహంలో కళ తప్పింది. ఇద్దరం బయటికి వెళ్లి డైనింగ్ టేబుల్ దగ్గర కూర్చున్నాను. అమ్మ సీరియస్ గా అందరికీ భోజనం వడ్డిస్తుంది. ప్రీతి నా పక్కనే కూర్చుని ఏవో కబుర్లు చెబుతూ ఉంది.
ఒసేయ్ రాక్షసి ముందు నోరు మూసుకొని భోజనం చెయ్ అని సీరియస్ గా అంది అమ్మ. …. అమ్మ కొంచెం కోపంగా ఉండటం చూసి ప్రీతి సైలెంట్ అయిపోయింది. అది గమనించిన అంకుల్ నా వైపు అమ్మ వైపు చూస్తూ, ఏంటి ఈరోజు మేడం గారు చాలా సీరియస్ గా ఉన్నారు అని జోక్ చేశారు. …. అమ్మ ఒకసారి అంకుల్ వైపు కోపంగా చూసి భోజనానికి కూర్చుంది. ఇంతలో ప్రీతి మాట్లాడుతూ, ఇప్పుడు దాకా బాగానే ఉంది ఇంతలోనే ఏమయ్యిందో ఈ ప్రిన్సిపాల్ కి అని అంది. …. అమ్మ మళ్ళీ ఒక్కసారి ప్రీతి వైపు కోపంగా చూసి, నిన్ను నోరు మూసుకుని తినమని చెప్పానా? అని అంది. …. అంకుల్ ప్రీతి వైపు చూసి కామ్ గా భోజనం చేయమని సైగ చేసి ఆ తర్వాత నా వైపు చూసి కళ్ళు ఎగరేస్తూ ఏమైంది? అని సైగ చేశారు. …. ఏం లేదు అంకుల్ చిన్న దెబ్బ తగిలించుకొని వచ్చాను అందుకే,,,, అని అన్నాను. …. వెంటనే అమ్మ, అది చిన్న దెబ్బా? చేతికి కట్టు కట్టారు అని సీరియస్ గా అంది. అదే సమయంలో అమ్మ కంట్లో నుంచి నీళ్లు వచ్చేస్తున్నాయి.
అమ్మ మాట విన్న ప్రీతి వెంటనే నా వైపు చూసి, దెబ్బ తగిలిందా?? ఎక్కడ? అని అడిగింది. …. ఏం లేదులేరా బంగారం అమ్మ ఏదో ఊరికే భయపడుతుంది నువ్వు భోజనం చెయ్ అని అన్నాను. …. అంకుల్ నావైపు చూసి, ఏం జరిగింది దెబ్బ తగిలించుకోవడం ఏంటి? అని అడగడంతో నేను టీ షర్ట్ చేతిని కొంచెం పైకి లేపి కట్టు చూపించాను. …. ఏం కాలేదు అంటున్నాడు కదా కవిత ఎందుకు అంత కోప్పడుతున్నావు? అని కూల్ గా అన్నారు. …. మీకు అది చిన్న దెబ్బలాగా కనపడుతుందా? అని అమ్మ అంకుల్ వైపు సీరియస్ గా చూసేసరికి ఆయన కూడా కామ్ అయిపోయి భోజనం తినడంలో బిజీ అయిపోయారు. మొత్తానికి ఆ రోజు భోజనం సమయం చాలా సీరియస్ గా కొనసాగింది. మేమంతా భోజనాలు చేసి సోఫాలో కూర్చుని టీవీ చూస్తుంటే అమ్మ అదే సీరియస్ కంటిన్యూ చేస్తూ డైనింగ్ టేబుల్ క్లియర్ చేసింది.
కొంతసేపటి తర్వాత యధావిధిగా గుడ్ నైట్ చెప్పి అంకుల్ తన రూంలోకి వెళ్లిపోయారు. అమ్మ మా దగ్గరికి వచ్చి, ఏం నీకు వేరే చెప్పాలా పైకి వెళ్ళు అని ప్రీతితో సీరియస్ గా అంది. …. ఈరోజు శని ఆదివారాలు కాకపోవడంతో, నేను అన్నయ్యతో పడుకుంటాను అని అంది ప్రీతి. …. నీకు ఎగ్జామ్స్ దగ్గర పడ్డాయి నోరు …
