episode-126
నన్ను చంపిన శత్రువుకి తప్ప నేను హాస్పిటల్లో ఉన్నాను అన్న సంగతి దాదాపు అందరికీ తెలిసిపోయింది. కానీ సోము, జెస్సీ, తారలకు తప్ప నేను ఏ హాస్పిటల్లో ఉన్నానో ఎవరికీ తెలియదు. మా ఐబి ఏజెన్సీలో చాలా మంది ఏజెంట్లు నా మీద జరిగిన దాడి గురించి వాకబు చేసే పనిలో నిమగ్నమై ఉన్నారు. కానీ ఇంతవరకు ఎటువంటి ఆచూకీ కూడా దొరకలేదు. నా శ్రేయోభిలాషులు అందరూ నేను తిరిగి లేవాలని దేవుడిని ప్రార్థిస్తున్నారు. కానీ నేను మాత్రం దాదాపు రెండు రోజులుగా హాస్పిటల్ బెడ్ మీద శవమై పడి ఉన్నాను. బాడీ డీకంపోజ్ అయిపోయే ప్రమాదం ఉందని బాడీని తీసుకుని వెళ్లిపోవడమే బెటర్ అని డాక్టర్ కూడా చెప్పేశాడు. కానీ సోము, జెస్సీ, తారలు పట్టుబట్టడంతో ఇంతవరకు నా బాడీని అక్కడే ఉంచారు.
**********
ఇక్కడ రాజేష్ వర్మ అంత్యక్రియలు జరిగిపోయాయి. ఆ కార్యక్రమానికి దీపు మేనత్త మామయ్య మరియు మేనమామ అత్తయ్య ఇంకా మరి కొంతమంది దగ్గర కుటుంబసభ్యులు హాజరయ్యారు. ఇప్పుడు కొంచెం వాళ్ళల్లో ముఖ్యమైన వారిని పరిచయం చేసుకుందాం. దీపు మేనత్త రాధిక వర్మ. స్వతహాగా ఈమె చాలా మంచి వ్యక్తి కాకపోతే కుటుంబసభ్యులు అందరిలాగానే దీపుని ద్వేషిస్తుంది. ఎందుకంటే ఆమెకు తన అన్న భార్య(వదిన) అంటే చాలా ఇష్టం. ఆమె భర్త హర్షవర్మ. అతనికి సొంతంగా ఒక బిజినెస్ ఉంది. వీరిద్దరికీ పద్దెనిమిదేళ్ల ఒక కుమార్తె ఉంది ఆమె పేరు దీప్తి వర్మ. చాలా చురుకుగా సరదాగా ఉండే అమ్మాయి. ఇకపోతే దీపు మేనమామ ఇతని పేరు జగదీష్ వర్మ. ఇతను కొంచెం గంభీరంగా ఉండే మనిషి అందరితో కలవడం చాలా తక్కువ. అతని భార్య గాయత్రి వర్మ. ఈమె చాలా సాత్వికురాలు ఎప్పుడు పూజలు వ్రతాలు చేసుకునే భక్తురాలు.
ఇప్పుడు దినేష్ వర్మ ఇంట్లో ఏం జరుగుతుందో చూద్దాం రండి.
దినేష్ వర్మ తన తమ్ముణ్ణి చంపినవారి గురించి తెలుసుకునే ప్రయత్నాలు ఒకపక్క జరుగుతూ ఉన్నాయి. అంత్యక్రియలు పూర్తయ్యి హాల్లో సోఫాలో కూర్చుని ఉన్నాడు. అతని పక్కనే అతని చెల్లి రాధిక వర్మ కూర్చొని, ఏంటన్నయ్య ఎంతసేపని ఇలా కూర్చొని ఉంటావు? అని అంది. …. ఏం చేయమంటావే రాధి? తమ్ముడు మనల్ని వదిలి వెళ్ళిపోయాడు. పోయినవాడు పోతూ పోతూ ఈ కుటుంబాన్ని నాశనం చేయడానికి పూనుకున్నది వాడే అన్న రహస్యం వదిలి వెళ్లిపోయాడు. అసలు వాడికి ఈ కుటుంబాన్ని నాశనం …
