Oka Koduku Prayanam – 258

బాల్ రోడ్ అవతలివైపు పడినట్లు వెతుక్కుంటూ నిన్నటివరకూ తాళాలు వేసిన కాంపౌండ్ లోపలికి గేట్ తీసుకొని లోపలికి వెళ్ళాను . గోడ ప్రక్కనే కనిపించిన బాల్ అందుకొని ఇంటి ముందు చూస్తే , లగేజీ వెహికల్ లో ఉన్న లగేజీ మొత్తం ఇంటి బయటే ఉండటం చూసి , పనివాళ్ళు రావాలేమో ఆనుకొని బాల్ పైకెగరేస్తూ గేట్ ద్వారా బయటకు వస్తుంటే అమ్మా ……..అని బాధపడుతున్న కేక వినిపించడంతో వెనక్కు తిరిగిచూస్తే , ఒక అంటీ బరువైన వస్తువును స్వయంగా తనే ఎత్తుకొని లోపలపెట్టడానికి వెళుతూ , తనవల్ల కాలేక వస్తువుతోపాటు కిందపడిపోయి నొప్పితో విలవిలలాడిపోతోంది . అమ్మా అంటూ బాల్ కిందకు వదిలేసి పరుగునవెళ్లి వస్తువును ప్రక్కన పెట్టేసి లేపి నడిపించుకుంటూ వెళ్లి స్టెప్స్ పై కూర్చోబెట్టి , ఏమిటమ్మా మీరు ఎత్తి లోపల పెడుతున్నారు . వెహికల్ లో తీసుకొచ్చినవారే మొత్తం లగేజీని మనకు నచ్చిన దగ్గర సర్ది వెళ్తారు కదా , వాళ్ళెక్కడ వెహికల్ కూడా కనిపించడం లేదు అని చుట్టూ చూసి అడిగాను .  ఇంటి తాళాలు మాతోనే ఉండటం లగేజీ వెహికల్ తోపాటు ఒకేసారి వెనుకే  బయలుదేరిన నేను నా కూతురు కారు మధ్యలో పంక్చర్ అవ్వడం  స్టెప్నీ కూడా లేకపోవడం వలన డ్రైవర్ దగ్గరలోని ఊరికి వెళ్లి పంక్చర్ వేసుకొచ్చి కారుకి …