Oka Koduku Prayanam | Emotional Telugu Story Series
అమ్మావాళ్ళంతా కవితను తమ తమ ప్రేమలతో ముంచేస్తూ నవ్విస్తూ ఇంటికి చేరుకునేసరికి బస్ లో వెనుక కూర్చున్న రాము , అన్వేష్ మరియు శ్రీధర్ ముగ్గురూ క్లోజ్ అయిపోయినట్లు ఇంటిముందు బస్ ఆగగానే రారా శ్రీధర్ రారా వచ్చేశాము అంటూ లోపలికి పరిగెత్తుకుంటూ వెళ్లడం చూసి అందరమూ సంతోషించాము.
అమ్మలిద్దరూ కవిత చేతులను వదలకుండా అందరితోపాటు బస్ దిగి తల్లి ఇదే మన ఇల్లు …………కవిత తియ్యదనంతో నవ్వుతుంటే అయ్యోరామా……..నా బుజ్జి తల్లికి ముందే తెలుసుకదా …….ఇంతకీ రోజూ ఎక్కడ నుండి చూసేవాళ్ళు అని అమ్మ అడిగింది . అమ్మా గోవా నుండి వచ్చాక మీరు ఇక్కడకు వచ్చి ఇది మూడోరోజు , మొదటి రోజు నుండి అదిగో అక్కడ అంటూ వెనక్కు తిరిగి గేట్ కు కాస్త ప్రక్కన రోడ్ కు అటువైపు అక్కయ్య కారులో కూర్చుని మా అమ్మలు ముగ్గురికోసం , అంటీ వాళ్లకోసం మరియు అక్కయ్యలు కోసం ఎంతసేపయినా సంతోషంతో ఎదురిచూసి చూసిగానీ వెళ్ళేవాళ్ళము కాదు . మా అమ్మలనయితే రెండుసార్లు మూడు………..అంటూ వేళ్ళను చూపించి సిగ్గుపడుతుంటే , మా బంగారం అంటూ అమ్మలిద్దరూ ప్రేమతో చెరొకవైపు కవిత బుగ్గలపై ముద్దులుపెట్టి మురిసిపోయారు .
బేబీ మా బంగారుతల్లి లాగేజీని ప్రస్తుతానికి మారూంలో పెట్టమని ఇందుఅమ్మ చెప్పడంతో , లవ్ యు మా అంటూ మొత్తం లగేజీని కృష్ణగాడితోపాటు పట్టుకొని అమ్మావాళ్ళకంటే ముందే పైకివెళ్లి అమ్మావాళ్ళకంటే ముందేవెళ్లి రూంలో పెట్టేసి కిందకువచ్చి బావలతోపాటు సోఫాలో హమ్మయ్యా……..అని కూర్చోబోయి , రమేష్ గణేష్ లు ఇక్కడే బస్ లో ఉండటానికి ఏర్పాట్లు చేసుకోవడం బావల ద్వారా తెలిసి నలుగురమూ వాళ్లదగ్గరకువెళ్లి ఏమిచేస్తున్నారు రమేష్ అని ఆడిగాము …
