Oka Koduku Prayanam | Emotional Telugu Story Series
డబల్ వేగంతో కొట్టుకుంటున్న గుండె చప్పుడుతో ముఖంపై చెమటతో పరిగెత్తుకుంటూ వెళ్లి మెయిన్ గేట్ సపోర్ట్ తో సడెన్ రైట్ సైడ్ తీసుకొని కాలిబాటలో ఆందోళన చెందుతూ పరుగులు తీసాను . కాలిబాటలో కొద్ది కొద్ది దూరానికే ఎత్తు తగ్గులు వస్తూ వేగం తగ్గుతోంటే , ఇలాకాదని మెయిన్ రోడ్ దిగి చివరన నా శక్తికి మించి పరుగులుపెట్టాను . కిలోమీటర్ పరిగెత్తగానే ఆయాసంతో నాకు తెలియకుండానే నా పాదాల వేగం తగ్గుతోంది .
అక్కడ కాలేజ్ లో నేను అందరినీ పిలుచుకొనివచ్చెయ్ అని చెప్పగానే పరుగున కృష్ణగాడు గ్రౌండ్ బయట కూర్చుని విజయం మనదే అని ఎంజాయ్ చేస్తున్న మా టీం మెంబర్స్ కు విషయం చెప్పగానే ఇంకా ఇక్కడే ఉన్నావేంట్రా పదా వెళదాము అని బయటకు పరుగులు తీశారు . పిచ్ పై బాల్ తగలడం వలన ట్రీట్మెంట్ తీసుకుంటున్న మా ఫ్రెండ్ అందరూ పరుగులు తియ్యడం చూసి , సర్ అర్జెంట్ వెళ్ళాలి అని వాడు కూడా పరిగెత్తుతుంటే , అంపైర్ ఆపి మీరు బయటకు వెళితే అపోసిట్ కు విన్నింగ్ డిక్లేర్ చేసేస్తాము అని వార్నింగ్ ఇవ్వడంతో ,మ్యాచ్ ఎవడికి కావాలి అక్కడ మావాళ్లు ఏదో ప్రాబ్లమ్ లో ఉన్నట్లున్నారు , నీ ఇష్టమొచ్చినట్లు చేసుకో రేయ్ రారా అంటూ నాన్ స్ట్రైకింగ్ లో ఉన్న ఫ్రెండ్ తోపాటు నొప్పి తగిలిన చోట చెయ్యి పట్టుకొని ఉరికారు.
మ్యాచ్ డిలే అవ్వడం వలన రెస్ట్ రూమ్ కు వెళ్లిన హెడ్ మాస్టర్ వచ్చి గ్రౌండ్ లో అందరూ అయోమయంలో ఉండటం చూసి , PET ని పిలిచి అడిగితే నాకు తెలియదు మేడం బ్యాటింగ్ జట్టు ప్లేయర్స్ అంతా ఉన్నఫలంగా కంగారుపడితూ పరిగెత్తుకుంటూ వెళ్లిపోయారు అని బదులిచ్చాడు .
నాదేవత ఇప్పుడు ఏపరిస్థితిలో ఉందొ అని ఊహ రాగానే మళ్లీ శక్తికి మించిన వేగంతో సుమారు 4 కిలోమీటర్ల దూరం లో వాడి ఇంటివైపు , ప్రతి కిలోమీటర్ కు మరింత అలసిపోతూ మళ్లీ కావ్యమిస్ ను తలుచుకొని భయంతో వేగం అందుకున్నాను .
కారులో వాడు వెనుకే స్కూటీలో నా దేవత వాడి ఇంటికి చేరుకున్నారు . వాడి ప్లాన్ ప్రకారం కారు దిగివచ్చి కావ్యగారు నామీద డౌబ్ట్ పడుతున్నారు కాబట్టి మీరు ఇక్కడే ఉండండి క్షణాల్లో మీలు చెందాల్సిన పేపర్స్ తీసుకొస్తానని చెప్పి లోపలకువెళ్లడంతో , అమాయకమైన నాదేవత వాటిపై positive గా ఆలోచించింది .
లోపలకు వెళ్లినవాడు ఖాళీ చేతులతో వచ్చి ఇంటికి తాళం వేసి అయ్యో………చిన్న పొరపాటు చేసేసాను కావ్యగారు నన్ను క్షమించండి అంటూ వొంగి వొంగి మంచివాడిలా వినయంతో నమ్మిస్తూ, మధ్యాహ్నం మా ఫ్రెండ్ భోజనానికి పిలవడం వలన అక్కడకు వెల్లానా , వాళ్ల అమ్మ మరియు వాడి భార్య చెల్లి అని పిలుస్తాను లెండి ………చేసిన అద్భుతమైన వంటను తృప్తిగా తినేసరికి నన్ను నేనే మరిచి పేపర్స్ అన్నింటినీ వాళ్ళింట్లోనే టేబుల్ పై వదిలి వచ్చేసాను . వాళ్ళ ఇల్లు కాస్త దూరం మీరు ఎలాగో నావెంట రారు , నాకు కూడా సమయం …
