Oka Koduku Prayanam | Emotional Telugu Story Series
తరువాతి రోజు 5 గంటలకు అమ్మ రూంలో పెట్టుకున్న అలారం చప్పుడికి నేను కూడా లేచి బెడ్ దిగి టవల్ అందుకొని బాత్రూమ్లోకి వెళ్లి తలస్నానం చేసి వచ్చేటప్పటికి అమ్మ బెడ్ పై కొత్త కాలేజ్ డ్రెస్ పెట్టింది . లవ్ యు అమ్మా అంటూ డ్రెస్ వేసుకొని టై బెల్ట్ వేసుకొని హాల్ లోకి వచ్చాను . నాన్నగారు కొత్త కాలేజ్ బ్యాగులో బుక్స్ , పెన్స్ ………పెట్టి రెడీ చేశారు . గుడ్ మార్నింగ్ నాన్న అని విష్ చేసి , అమ్మకోసం వంటగధిలోకివెళ్లి లవ్ యు అమ్మా అని చెప్పాను .
నాబుజ్జికన్నయ్య కాలేజ్ కి రెడీ అయిపోయాడన్నమాట అంటూ వెంట్రుకలను సరిచేసి నుదుటిపై ప్రాణంగా ముద్దుపెట్టి , నాకు ఇష్టమైన టిఫిన్ ప్లేట్ లో వడ్డించుకొని హాల్ లో సోఫాలో కూర్చోబెట్టి తినిపించి నీళ్లు తాగించి చీర కొంగుతో నా మూతిని తుడిచి , శ్రీవారు షూస్ వెయ్యండి అనిచెప్పి లంచ్ బాక్స్ రెడీ చెయ్యడానికి లోపలకు వెళ్ళింది . కాలేజ్ బ్యాగ్ మరియు లంచ్ క్యారెజి వాటర్ బాటిల్ తీసుకొని అమ్మానాన్నలిద్దరూ కాలేజ్ బస్ వరకూ వచ్చి కాలేజ్ లో నీ ఇష్టం వచ్చినట్లు ఎంజాయ్ చెయ్యి కన్నయ్యా అని నుదుటిపై ముద్దుపెట్టింది .
దారిలో కృష్ణగాడు కూడా ఎక్కడంతో బస్ మా అల్లరి అంతా ఇంతా కాదు . ప్రేయర్ సమయానికి కాలేజ్ చేరుకున్నాము . మా క్లాస్ అంతా సెలవుల తరువాత కలవడంతో సంతోషంతో కౌగిలించుకొని ప్రేయర్ లో వెనుక నిలబడ్డాము .
ప్రతి సంవత్సరం లానే ప్రైవేట్ టీచర్స్ ఎవరెవరు వెళ్లిపోయారో వారి స్థానంలో ఎవరెవరు వచ్చారో చెబుతుంటే , మెహ్రీన్ వలన అప్పటి నుండి నాకు ఇష్టం లేని సోషల్ టీచర్ వెళ్లిపోయాడనే మాట వినడం కోసమే ప్రతి సంవత్సరం లాగే ఇంటరెస్ట్ గా వింటున్నాను . ప్రతి సబ్జెక్ట్ వన్ బై వన్ చెబుతుండటంతో వాళ్ళు ఎవరైనా రాని పోనీ నాకు కావాల్సింది సోషల్ ఆ మాట కోసమే ఎదురుచూస్తున్నాను . ఫైనల్ గా సోషల్ అనగానే రేయ్ మహేష్ అంటూ కృష్ణగాడు కూడా గుర్తుచేశాడు .
కొన్ని అనివార్య కారణాలతో మన సోషల్ టీచర్ కొన్ని నెలలు అందుబాటులో ఉండనందువలన వారి స్థానంలో మిస్ కావ్య సోషల్ స్టడీస్ క్లాస్సెస్ కొనసాగిస్తారు . వారు వచ్చిన తరువాత మిస్ కావ్య ఇంగ్లీష్ టీచర్ గా కొనసాగుతారు కాబట్టి న్యూ జాయిన్ టీచర్స్ ను కరతాళధ్వనులతో స్వాగతించాలని కోరుకుంటున్నాను అని చెప్పడంతో , గ్రౌండ్ మొత్తం మారుమ్రోగింది . National Anthem తో ప్రేయర్ ముగించి ఎవరి క్లాస్ కు వాళ్ళు క్యూ లో వెళ్లిపోయాము. రేయ్ మహేష్ కొన్ని నెలలే అంటరా మళ్లీ వాడే వస్తాడు ……….., అంతవరకైనా వాడులేని కాలేజ్ ఎంజాయ్ చేద్దామురా , నెనువెళ్లి హెడ్ మాస్టర్ రూంలో నుండు చాక్ మరియు డస్టర్ తీసుకొస్తాను అనిచెప్పి వెళ్లి మేడం కు విష్ చేసి మాకోసం ఉంచిన వాటిని తీసుకొని స్టోర్ రూమ్ దాటగానే ,
అప్పుడే బయటకువచ్చిన ఒకరు ఎక్కడో విన్న తియ్యని స్వరంతో 9th క్లాస్ A సెక్షన్ ఎక్కడ బాబు …
