స్పందించిన ప్రతీ ఒక్కరికీ ధన్యవాదములు.
-x-x-x-
210
దేవి పిన్ని నన్ను గైడ్ చేస్తూ నాతో కార్డియో చేయించింది. ఇద్దరం బయటకు వచ్చేసరికి, అందరూ వాళ్ల రోటీన్ పనులకి రేపూ – ఎల్లుండా కూడా డుమ్మా కొట్టెయ్యడానికి నిశ్చయించుకున్నారు. స్వాతి ఆయూషీనీ, తన పిల్లలనీ తీసుకుని రాత్రే ఇటు వచ్చేస్తోంది. సెల్వి కూడా వాళ్లతోటే వస్తోంది. శంకరత్తకి వేరే డాక్టర్స్ ని ఎంగేజ్ చేసింది. రేపు పొద్దున్నే హాస్పిటల్ నుంచి అమ్మమ్మ బస్ తెప్పిస్తే, అందరూ అందులో కొత్త ఫ్యాక్టరీ సైటుకి వెళ్లి, ఏర్పాట్లు చేస్తారు. ఎల్లుండ శంకుస్థాపన అయ్యాకే అందరూ తిరిగి వెళ్తారు.
అమ్మ తన రేపటి ప్రోగ్రాం కోసం అమ్మమ్మ కార్ తీసుకుని తను వెళ్లిపోయింది. తమ్మూ, “ఓ వారం తర్వాత వస్తా.. ఓ వారం రోజులు ఉంటా మీరు ఎంజాయ్ చెయ్యండి” అంటూ అమ్మతోపాటే వెళ్లిపోయింది. అమ్మ రేపు నైట్ నాన్ననీ, భ్రమరనీ తీసుకుని వస్తుంది. శివా మామ రావట్లేదు కానీ, రంగా మామ రేపు మధ్యాహ్నం ఫ్యాక్టరీ సైటుకి వస్తున్నాడు. ఫంక్షన్ అయ్యేదాకా అక్కడే ఉంటాడు. అయ్యాక అటునుంచి అటే వెళ్లిపోతాడు. జీవీ-రాంబంటు అంకుల్ ఎల్లుండ పొద్దున్నే మిగిలిన ఆఫీస్ స్టాఫుతోపాటు ఎల్లుండ పొద్దున్నే సైటుకి వస్తారు. వాళ్లతోపాటే దుర్గమ్మా-తన మొగుడూ వస్తారు.
అందరి తరఫునా ప్లాన్లు విజయా-పరిమళా వేస్తున్నారు. ఎవరేం చెయ్యాలో స్పెసిఫిక్ టాస్కులు కూడా నిర్ణయిస్తున్నారు. వీళ్లిద్దరికీ సాయంగా లచ్చీ, గైడుగా రంగి అమ్మమ్మా ఉన్నారు. రాత్రి తొమ్మిది అవుతూండగా హెలికాప్టర్ దిగింది. అందులోంచి, శాంత పెద్దమ్మా, రాణెమ్మా, గంగమ్మ, అమీనా, ఈరిగాడు తాతా, జేజిలిద్దరూ, తిమ్మడు మావా దిగారు. మావ ఇట్లా గూడెం చేరాడంట, అట్లా మావని హెలికాప్టర్లో ఎక్కించుకుని అందరూ ఇరుక్కుని కూర్చుని వచ్చేశారు.
గూడెంలో నా గుర్రాలూ, పులీ, పాముతోపాటు ముగ్గురే మిగిలారు. కాళ్లూ చేతులూ విరిగిన గవరమ్మ మేనల్లుడూ, తన కోసం ఉండిపోయిన గవరమ్మా, వీళ్లిద్దరినీ చూసుకోవడానికి వీరయ్య పెదనాన్నా ఉండిపోయాడు. వస్తూ వస్తూ శివుడినీ, నా పామునీ నాలుగు రోజులు బుద్ధిగా వీరయ్య పెదనాన్న కంట్రోల్లో ఉండమని ఆర్డర్ వేసి మరీ వచ్చింది అంట శాంత పెద్దమ్మ. అట్లానే, సుబ్బిగాడినీ, వాడి గర్ల్ ఫ్రెండునీ పెదనాన్న మాట వినమని తిమ్మడు మావ ఆర్డర్ వేసి వచ్చాడు.
రాణెమ్మా-అమీనా నన్ను చూస్తూనే ఎగ్జైట్ అయిపోసాగారు. నేను అమీనాని చూస్తూనే, అమ్మమ్మ పక్కనే చేరి, నాకూ 3 రోజులు ఈ తొక్కలో ట్రెయినింగ్ నుంచి ఆట విడుపు కావాలీ అని గోలెట్టడం మొదలెట్టా. దేవి నా గోల వినేసి, “ససేమీరా” అని భీషించుకుని కూర్చుంది. అమ్మ వెళ్లిపోయిందిగా? ఇంక మొత్తం రాజ్యం నాదే. ఆ ధైర్యంతో నేను ఏ మాత్రం సంకోచించకుండా, దేవితో గట్టిగానే ఫైట్ చేశా. ఎంత ఫైట్ చేసినా …
