స్పందించిన ప్రతీ ఒక్కరికీ ధన్యవాదములు.
-x-x-x-
158
కానీ, ముగ్గురూ నాకా అవకాశం ఇవ్వనే లేదు. నేను బాదం పాలు తాగగానే, అమ్మమ్మ నా వైపు చూస్తూ, “సన్నీ-లచ్చీ ఇద్దరినీ తీసుకుని దేవి ఫాం హౌసుకి వెళ్లిపోవాలి. మీ ముగ్గురికీ తోడుగా మీ అక్క పరిమళనీ, విజయనీ మీ కూడా తీసుకెళ్లండి. రేపు పొద్దున్న దాకా అక్కడే ఉండండి. చిలకా.. నువ్వూ వీళ్లతో వెళ్లి, అక్కడ ఒకడు ఉంటాడు, వాడి దగ్గర, ఓ అస్తికల కుండ ఉంటది, దాన్ని తీసుకుని వెనక్కి వచ్చెయ్యాలి. సన్నీ, లేచి నువ్వు నీ ముసలి మేకప్ వేసుకో” అంటూ ఆర్డర్ వేసింది. నాకు ఏమీ అర్థం కాలేదు. నేను అమ్మమ్మ వైపు సీరియస్గా చూస్తూ, “నేను పోనే పోను” అని అన్నా.
మరి షడన్గా నన్ను మళ్లీ అడవిలోకి ఎందుకు పంపుతున్నారో కొంచెం కూడా బుర్రలోకి ఎక్కలేదు. దేవి నా దగ్గరకి వచ్చి, నా బుగ్గలు పిండుతూ, “శ్రీ చాలా మంచి అబ్బాయి అంట. నేను చెప్పింది వింటాడు అంట!” అంటూ నన్ను బ్రతిమాలడం మొదలెట్టింది. నాకిది వింతగా ఉంది. నేను దేవినుంచి నా దృష్టిని రాగిణి వైపు తిప్పితే అది కొంచెం ఖంగారుగా ఉంది. నాకు కొంచెం సీన్ అర్థం అయ్యింది. కొంచెం అర్థం కాలేదు. అర్థమయ్యిన మేటర్ ఏంటీ అంటే, నేను విలన్ల హిట్ లిస్టులో ఉన్నా. అర్థం కానిది ఏంటీ అంటే, నా పేరు ఆ లిస్టులోకి ఎలా ఎందుకు ఎక్కిందీ అని.
దేవిని నా ఒళ్ళోకి లాక్కుంటూ, “షఫీగాడు చచ్చే ముందర ఏం చెప్పాడు? ఎందుకు మీరింత ఖంగారు పడుతున్నారు? నిజం చెప్పు. సోది వద్దు” అని అడిగేశా. దేవి కొంచెం మాన్లమైన ఫేసుతో, “మూడు రోజుల క్రితం నువ్వూ నేనూ సిటీ మొత్తం తిరిగి షాపింగ్ చేశాము కదా? అదే మనకి ఇన్ని సమస్యలు తీసుకొచ్చింది. నిన్ను నేను వారసుడిగా ఎంచుకున్నానూ, నువ్వు ఫీల్డులోకి దిగితే వాళ్ళకి మళ్లీ కొత్త సమస్యలు వస్తాయీ అని నా మీద ఎటాకులు మొదలెట్టేసారు. నిజానికి, నువ్వు నా లైఫులోకి వచ్చి ఉండకపోతే, వీళ్లు ఇంకొన్నాళ్ల తర్వాత ఈ కుట్రని అమలుపరిచేవారు.
నిజానికి లచ్చిని నా వారసురాలూ అని అందరూ అనుకున్నారు. వాళ్ల ఒరిజినల్ టార్గెట్ లచ్చి. లచ్చిని ట్రాప్ చెయ్యడం కోసమే ఆ రవీందర్ గాడు వాచ్మెన్ లా మీ కాలేజీలో చేరింది. ఎప్పుడైతే, నేను నిన్ను వెంట పెట్టుకుని అటూ ఇటూ తిరుగుతూ ఉన్నానో, …
