స్పందించిన ప్రతీ ఒక్కరికీ ధన్యవాదములు.
-x-x-x-
94
అమ్మ నా రక్షణకి ముందుకు వచ్చి, “అబ్బే అదేం లేదు మావయ్యా.. మనవాడు కొత్తగా విల్లంబులు నేర్చుకోవడం మొదలెట్టాడు. నాన్నకు చెప్పకు సర్ప్రైజ్ చేద్దాం అని బ్రతిమాలుతున్నాడు అంతే” అంటూ నైసుగా ఫైరింగ్ దాచేసి కేవలం విల్లంబులు గురించి చెప్పేసింది. నాన్న కళ్లల్లో ఆశ్చర్యం. “అవునా? ఎంతవరకూ నేర్చుకున్నావో చూస్తా.. మర్చిపోకుండా నాకు నీ విలువిద్య చూపించాలిరా” అంటూ నా భుజమోసారి తట్టి, “కరెక్ట్ టైముకి వచ్చారు. గోవాలో ఏం జరిగిందో ఇప్పుడే అక్కక్కి చెప్పబోతున్నా. మీరూ విందురు గానీ” అంటూ ఇంట్లో దూరాడు.
నాన్న గబ గబా బట్టలు మార్చుకొచ్చి, మేడెక్కి, “ఇదేంటీ? ఇట్లా పడుకుందీ??” అని గుర్రుపెట్టి బోర్లా పడుకున్న భ్రమర పిన్నిని చూసి అడిగాడు. “అదా, అదీ మనవాడి నిర్వాకమే మావయ్యా! తింగరిది మనవాడి శబ్దభేది గురి టెస్ట్ చెయ్యబోయింది. వీడు చీకట్లో కరెక్టుగా దీని పిర్రకి బొక్కెట్టాడు” అంటూ అమ్మ ముసి ముసి నవ్వులు నవ్వుతూ చెప్పింది. నాన్న శబ్దభేది పదం వింటూనే, ఆశ్చర్యంతో “ఒరేయ్! లిస్ట్ చెప్పు. శబ్దభేది కాక నీకు ఇంకేం వచ్చు?” అని ఎగ్జైట్ అవుతూ అడిగాడు. అమ్మమ్మ పైకి వస్తూ, “మూడు రోజుల క్రితం నువ్వు ‘నా బిడ్డ జాగ్రత్త’ అని చెప్పి వెళ్లిన దొర వారు కారిప్పుడు.
ఒకేసారి రెండు గురులని చూసి బాణాలు వదలడమూ, ఒకసారి కాల్చిన బొక్కలోంచే రెండో బుల్లెట్ పంపించడమూ.. రైఫిల్ ఇవాళే మొదలెట్టారు లేరా.. పడుకుని కాల్చే సెషన్ మాత్రమే అయ్యింది. ఇంకా నుంచునీ, పరిగెత్తుతూ, మూవింగ్ టార్గెట్ ప్రాక్టీస్ పెండింగ్. అవీ త్వరగానే ముగించేస్తారులే. దొరవారు ఏక సంథాగ్రాహి. రాత్రంతా నన్నూ రంగినీ పరిగెత్తిస్తూనే ఉన్నారు తన శబ్దభేది కోసం” అంటూ నా గొప్పలు చెప్పింది. నాన్నకి అమ్మమ్మ చెప్పేది నమ్మకం కలగలేదు. అబద్ధమాడుతోందీ అనుకుని, “పో అక్కా.. ఒక్క పూటలో అంత గురి ఎట్లా?” అంటూ అపనమ్మకంగా అడిగాడు.
అప్పుడే శంకరత్త కూడా ఉప్పు మూటతో పైకి వచ్చింది. “లేదండీ, చిన్న దొర నిజంగానే పొద్దున్న అంతా ఫైరింగ్ ప్రాక్టీస్ చేస్తూనే ఉన్నారు. ఒదినగారికీ, చిన్న దొరకీ భుజాలు కమిలిపోతే ఇదిగో ఉప్పు కాపడం పెట్టడానికి ఉప్పు కాల్చి తెచ్చా” అంటూ, “చిన్న దొరా! నీ టీ-షర్ట్ …
