పాఠక మిత్రులారా! ఒక చిన్న విన్నపము !! అన్యధా భావించవద్దు.
ఎంతో మంది కథ చదువుతున్నారు. నైస్ అప్డేట్ అనో గుడ్ అప్డేట్ అనో ఒక్క రెండు ముక్కలు వ్రాస్తే మీ సొమ్మేమీ పోదు కదా? అట్లానే లైకులూ [] రేట్లూ [] కొట్టినా మీకు కలిగే నష్టం ఏమీ ఉండదు.. కానీ కష్టపడి కథలు వ్రాసే రచయితలకు మాత్రం ఎనలేని ఉత్సాహాన్ని కలుగచేస్తాయి అవి.
దయచేసి గమనించగలరు. సైలెంటుగా చదివి వెళ్ళిపోకుండా, మీకు నచ్చితే ఒక చిన్న షాభాషీ ఇవ్వండి. నాకు మరింత ఎనర్జీతో తరువాయి అప్డేట్ వ్రాయడానికి ఎంతో దోహదపడతాయి. నచ్చకపోతే ఎందుకు నచ్చలేదో చెప్పండి. సరిచేసుకోవడానికి ప్రయత్నం చేస్తాను.
=========
ప్రస్తుతం: (ఇప్పటిదాకా చెప్పిన కధ ఇండెక్సు : [1 – 100] , [101 – ] )
26.1 నాగరాజోపాఖ్యానం!
అంత పెద్దాయన పసిపిల్లాడిలా కంట నీరు పెట్టుకోవడం చూసిన మేము ముగ్గురమూ షాక్లో ఉంటే, అనూ ఫ్యూజులు దొబ్బాయి! “నాగరాజా! మీరు శోకతప్తులగుటయా? ఏమీ మీ ఈ మనోవేదనకు కారణము? మా వలన ఏదైనా తప్పిదము జరిగినదా? ఏమి రాజా? తెలియ పరుచుడీ! నా పతి మరియు మిగిలిన సహధర్మచారిణులు వ్యాకులతతో భయభ్రాంతులగుచుంటిరి! నాగరాజా! నాగరాజా!” అంటూ తన నాగరాజు గారి భుజాలు పట్టి కుదిపేసరికి, ఆయన రవ్వంత స్థిమితపడి, “బాలా అనివేషా! నా ఈ క్లేశమునకు కారణము మీరెవ్వరూ కాదు! నా ప్రియబాంధవి, నీ పితృభగిని అగు సాకృతి! ఈ పాషాణము మరేమిటో కాదు నా ప్రియసఖి అగు మీ మేనత్త కడపటి జ్ఞాపకం!” అని బాధపడుతూ ఉంటే, అనూ షాక్లో “నాగరాజా! ఏమి వచించుచుంటిరి! ఇది మా పితృభగిని అగు సాకృతీదేవి యొక్క పాషాణమా! అది ఎటుల సాధ్యము నాగరాజా! అత్త మా మాతృమూర్తి పరిణయమునకు పూర్వమే, ఎన్నో వత్సరములనాడు మరణించెను కదా! పారు మా జననము తర్వాత జనియించినది! సాకృతీదేవి పాషాణము సుమిత్రత్త గర్భమున ఎటుల ప్రవేశించెను?” అంటూ తన డవుట్లు అడిగింది! “సాకృతి పరిచయము ఈ బాలకునికి తక్క వేరెవరికీ తెలియదు! మీ అందరికీ నేను భగ్నప్రేమికుడిని! వాస్తవానికి నేను విధురఃని! అనగా ధర్మపత్ని మృతి చెందినవాడను! నేను ఏనాడో నీ పితృభగినిని గాంధర్వ పరిణయమాడినవాడను! ఈ సత్యము కేవలము మా పితృదేవునకు అనగా నీ మాతామహునకు మాత్రమే తెలియును!
మా పితృదేవులు, మా ఇరివురికీ ఒక బృహద్కార్యమొసంగెను! మేమిరువురమూ, కారణ జన్ములు, ఈ బాల-బాలికల జననమునకు అడ్డుపడు దుష్టశక్తులను అడ్డగించి, మా ప్రాణములను ఒడ్డి అయిననూ, బాల-బాలికల జననము సాధ్యపడు పరిస్థితులను ఏర్పరచవలెను! సాకృతికి భూలోకమనిన మిక్కిలి ప్రీతి! ఆనాటికే అనేక పర్యాయములు భూలోకసందర్శనకు వచ్చియుండెను! భూలోకమున కార్యమును సఫలము చేయవలెనన్న మా పితృదేవుల ఆజ్ఞానుసారము సాకృతి భూలోకమునే నివాసము ఏర్పర్చుకొనెను! ఆ ప్రయత్నమున ఆమెకి ఒక భూలోక బాలిక నెచ్చలి అయెను! ఆ తన కాలి అందెలతో ఆ బాలిక చేయు శబ్దమునకు పరవశించి సాకృతి నాట్యమాడుచూ ఉండెడిది! పలు పర్యాయములు భూలోకదర్శనమునకు సాకృతి తోడ నేను కూడా ఏతెంచి ఆ బాల …
