నేను, అను కలిసి ఇంటికి బయలుదేరాము. మాటిమాటికీ మా అక్క మొహమే గుర్తుకు వస్తూ ఉండటంతో నాకు మూడ్ ఆఫ్ అయింది. దారిలో అను నాతో మాట్లాడటానికి చాలా ప్రయత్నించింది. కానీ నేను మాత్రం ఏమీ మాట్లాడలేదు. చాలా తొందరగానే మేమిద్దరం ఇంటికి చేరుకున్నాము. ఇంటికి చేరుకున్న తర్వాత నేను ఏదో ఆలోచించుకుంటూ నా రూం వైపు వెళ్ళిపోయాను. హాల్లో కవిత అమ్మ, ప్రీతి మరియు దేవి కూర్చున్నారు. కానీ నేను వాళ్ళని పట్టించుకోకుండా అలాగే వెళ్ళిపోయాను. మాటిమాటికి గుర్తుకొస్తున్న అక్క మొహమే తలుచుకుంటూ ముందుకు వెళ్లిపోయాను. ప్రీతి మరియు దేవి నన్నే పిలుస్తూ ఉన్నప్పటికీ నాకు వారి పిలుపు వినపడలేదు. నేను నా రూమ్ లోకి వెళ్లి వెంటనే డోర్ క్లోజ్ చేసుకున్నాను.
నన్నే పిలుస్తూ దేవి మరియు ప్రీతి నా వెనకాలే నా రూమ్ లోకి రాబోయారు. కానీ అను వాళ్ళిద్దర్నీ నా రూమ్ లోకి రాకుండా ఆపేసింది. కవిత అమ్మ మాట్లాడుతూ, ఏమైంది అను? దీపు ఏంటి అలా ఉన్నాడు? వాడికి ఏమైంది? అలా కామ్ గా ఏమీ మాట్లాడకుండా రూమ్ లోకి వెళ్లిపోయాడు ఏంటి? అని అడిగింది. …. ఏమో తెలీదు ఆంటీ. కొద్దిసేపటి క్రితం మేమిద్దరం పార్క్ లో కూర్చున్నాము. పార్క్ కి వెళ్లేముందు దీపు చాలా సరదాగా జోకులేస్తూ నవ్వుతూ మాట్లాడాడు. మేము పార్క్ లోకి వెళ్లి కూర్చున్న తర్వాత కూడా బాగానే ఉన్నాడు. కానీ ఆ తర్వాత అక్కడ ఆడుకుంటున్న ఒక అక్క, తమ్ముళ్ళలను చూసిన తర్వాత ఇదిగో ఇలా మౌనమునిలా మారిపోయాడు. వాళ్ళిద్దర్నీ చూసిన తర్వాత దీపు తనలో తానే ఏదో ఆలోచనలో మునిగిపోయాడు. కొంతసేపటి తర్వాత ఏదో షాక్ తగిలిన వాడిలా ఆలోచనల నుంచి బయటపడి ఈ లోకంలోకి వచ్చాడు. దాంతోపాటే దీపు కళ్ళల్లో నీళ్ళు కూడా చేరాయి. నేను కారణం తెలుసుకోవడానికి చాలా ప్రయత్నించాను. కానీ దీపు నాతో ఏమీ మాట్లాడలేదు. దారి పొడుగునా నేను ఎంత అడిగినప్పటికీ దీపు అస్సలు ఏమీ మాట్లాడలేదు. ఇదిగో ఆ తర్వాత జరిగింది మీ కళ్ళముందే ఉంది అని ముగించింది అను.
దేవి మాట్లాడుతూ, అవును అత్త నేను కూడా గమనించాను. దీపు జీవితంలో ఏం జరిగిందో ఏమో గానీ ఎటువంటి విషయాన్ని కూడా ఎవరితోనూ పంచుకోడు. తనలో తానే కుమిలిపోతూ ఉంటాడు. ఒక్కడే కూర్చుని ఏడుస్తూ ఉంటాడు. కానీ ఎవరితో ఏమి చెప్పడు అని అంది. …. ప్రీతి మాట్లాడుతూ, అవును మమ్మీ అది చెప్పింది నిజమే. ఉండండి నేను ఇప్పుడే వెళ్లి అన్నయ్యతో మాట్లాడతాను అంటూ లేచింది ప్రీతి. …. కవిత అమ్మ మాట్లాడుతూ, ఆగు ప్రీతి. ఇంతకుముందు మీరు ఎటువంటి సందర్భాల్లో వాడిని అలా చూసారో నాకు తెలీదు కానీ ఈరోజు ఏం జరిగి ఉంటుందో నేను మీకు చెప్పగలను అని అంది. …. అదెలా అత్త? అని అడిగింది దేవి. …. అను చెప్పినదాన్ని బట్టి చూస్తే దీపు అక్కడ ఇద్దరు అక్క తమ్ముళ్ళను చూస్తున్నాడు అంటే దాని అర్థం ఆ తమ్ముడి స్థానంలో తనను తాను ఊహించుకుంటున్నాడు. ఆ అమ్మాయి స్థానంలో తన అక్కను ఊహించుకుంటున్నాడు.
దేవి, ప్రీతి మరియు అను ఒకేసారి మాట్లాడుతూ, ఏంటి? దీపుకి అక్క ఉందా? అయితే ఎక్కడ ఉంది? ఇంతవరకు మీరు మాకు ఎందుకు పరిచయం చేయలేదు? అని అడిగారు. ….. దీపుకి కేవలం అక్క మాత్రమే కాదు, దీపుకి తండ్రి, ఒక …
