ఓహ్ అను నువ్వెప్పుడు వచ్చావు? కమాన్ ఇలా రా, ఇదిగో ఇతనిని కలువు, ఇతను మన కాఫీ షాప్ కి కొత్త మేనేజర్ అని అన్నాడు అభి. ఆ అమ్మాయి వచ్చి అభి పక్కన కూర్చుంది. ఇదిగో ఇతనే మన కొత్త మేనేజర్ దీపు. దీపు ఈమె నా చెల్లెలు అను అని పరిచయం చేశాడు అభి. నేను అను కి హాయ్ చెప్పగా ఆమె కూడా నాకు హాయ్ చెప్పింది. ఇప్పుడు అక్కడ ఉన్న పరిస్థితిలో ముఖ్యంగా గమనించాల్సిన అంశం ఏమిటంటే అను మొహంలోని ఎక్స్ప్రెషన్స్. ఆ విషయాన్ని దేవి గమనించింది.
ముందు అను అక్కడికి వచ్చినప్పుడు ఆమె మొహం చాలా విచారంగా ఉన్నట్టు కనబడింది. కానీ అక్కడ దీపుని చూసిన వెంటనే ఆమె మొహం కొత్త వెలుగు సంతరించుకుంది. అదే విషయాన్ని దేవి గమనించింది. ఆ తర్వాత మరి కొంతసేపు మాట్లాడిన తర్వాత దీపు అభి ఇంటి దగ్గర నుంచి బయలుదేరి వెళ్ళిపోయాడు.
ఇక్కడ అను కూడా కూర్చున్నచోట నుంచి పైకి లేచి తన రూమ్ లోకి వెళ్ళిపోయింది. ఆమె వెనకే దేవి కూడా అను రూమ్ దగ్గరికి వెళ్ళింది. అను తన రూమ్ లోకి వెళ్ళిపోయింది కానీ రూమ్ డోర్ క్లోజ్ చేసుకోవడం మర్చిపోయింది. రూమ్ లోకి వెళ్ళిన వెంటనే ఒక తలగడను తీసుకొని గట్టిగా హత్తుకుంది. ఓహో నీ పేరు దీపు అన్నమాట! ఇప్పుడు నువ్వు మా కొత్త మేనేజరువి అన్నమాట. ఈ రోజు నాకు చాలా సంతోషంగా ఉంది. ఎంత సంతోషంగా ఉన్నానంటే మాటల్లో చెప్పలేను. ఇక ఏమాత్రం ఆలస్యం చేయకుండా నా మనసులో మాట నీతో చెప్పేస్తాను అని బయటకే మాట్లాడుకుంటూ తలగడను అలాగే గట్టిగా హత్తుకొని కళ్ళు మూసుకొని రూమ్లో అటు ఇటు గంతులేస్తూ డ్యాన్స్ చేయడం మొదలుపెట్టింది.
అలాగే గెంతుతూ సడన్ గా ఎవరికో తగులుకొని కింద పడబోయి మళ్లీ సర్దుకుంది. వెంటనే కళ్ళు తెరిచి ఎదురుగా ఉన్న వారిని చూసి భయంతో గాలి తీసేసిన బెలూన్ లా అయిపోయింది. ఎందుకంటే ఎదురుగా దేవి చాలా కోపంగా చూస్తూ నిలబడి ఉంది. దేవి కొంచెం కోపంగా మాట్లాడుతూ, ఏం జరుగుతుంది ఇక్కడ? అని అడిగింది. …. అను కొంచెం భయపడుతూ, అది,, అది,, వ వ వ వదిన,, నేను,,, అది,,,, …. ఏంటి, అది నేను అది నేను అనుకొని, ఇదంతా ఏంటి? తొందరగా చెప్పు. …. వదిన, అది,, నేను,, అది,, ఏంటంటే,,,, …. చెప్పవే తల్లి, నీకు దీపు అంటే ఇష్టం అని చెప్పు అని అంది దేవి.
దేవి ఆ మాట అనగానే అనుకి పట్టపగలే చుక్కలు కనిపించాయి. అను కింద పడబోతుంటే దేవి పట్టుకుని గట్టిగా హత్తుకుంది. అయ్యో అను! నువ్వేమీ భయపడవలసిన పనిలేదు. నేను ఊరికే సరదాగా నిన్ను భయపెట్టాను. ఈ విషయంలో నా పూర్తి సహకారం నీకు ఉంటుంది. నేను నీకు తోడుగా ఉంటాను అని అంది దేవి. దేవి మాట విని అను కొంచెం ఊపిరి పీల్చుకుంది. దేవి కౌగిలి నుంచి దూరం జరిగి దేవి వైపు చూసింది. దేవి మొహంలో …
