నాన్న లేకపోయినా కల నెరవేరింది.. ఎమోషనల్ అయిన రీతు!

ఈ క్రమంలోనే ఇంటికి సంబంధించిన వీడియోని ఈమె సోషల్ మీడియాలో షేర్ చేశారు. అదేవిధంగా తన తల్లిదండ్రుల పెళ్లిరోజు సందర్భంగా తన తల్లి చేత కేక్ కట్ చేయించారు. ఇక కారులో ఇంటికి సంబంధించిన రిజిస్ట్రేషన్ పనులు పూర్తి చేయడానికి ఈమె బయలుదేరారు. ఇక తన కారు గురించి కూడా మాట్లాడుతూ రీతు ఎమోషనల్ అయ్యారు. ఈ కారులోనే తన తండ్రి తుది శ్వాస వదిలారని ఈమె తెలియజేశారు.

ఇప్పటికీ నా తండ్రి నా వెనుక సీట్లో కూర్చున్నారన్న ఫీలింగ్ తనకు వస్తుందని, నేనెప్పుడూ నాన్న విషయంలో అలాగే ఫీల్ అవుతూ ఉంటానని ఈమె ఎమోషనల్ అయ్యారు. ప్రస్తుతం ఇందుకు సంబంధించిన వీడియో వైరల్ గా మారడంతో పలువురు ఈ వీడియో పై స్పందిస్తూ తనకు శుభాకాంక్షలు చెప్పడమే కాకుండా తన తల్లిని జాగ్రత్తగా చూసుకోమని సలహా ఇస్తున్నారు. ఇక రీతు తండ్రి ఏడాది మొదట్లో గుండెపోటుతో మరణించిన విషయం మనకు తెలిసిందే.

ఇలా ఈమె (Rithu chowdary) తన తండ్రిని తలుచుకుంటూ తరచూ సోషల్ మీడియా వేదికగా ఎమోషనల్ పోస్టులు చేస్తూ ఉంటారు.తన తండ్రి మరణంతో తన తండ్రితో కలిసి ఉంటున్న ఇంటిలో ఉంటే అవే జ్ఞాపకాలు వస్తున్నాయని ఇంటిని మారబోతున్నట్లు గతంలో ఈమె ఒక వీడియో ద్వారా తెలియజేశారు. అయితే ఏకంగా సొంత ఇంటిని కొనుగోలు చేసి తన తల్లిదండ్రుల కలను తన తండ్రి లేకపోయినా నెరవేర్చానంటూ చెప్పుకొచ్చారు.