అల్లు ఫ్యాన్స్ పై పాజిటివ్ కామెంట్స్ చేసిన పవన్.. మద్దతివ్వాలంటూ?

పవర్ స్టార్ పవన్ కళ్యాణ్ 2024 ఎన్నికల్లో ఏపీ నుంచి పోటీ చేయనుండగా ఏ నియోజకవర్గం నుంచి పవన్ పోటీ చేస్తారనే ప్రశ్నకు సంబంధించి త్వరలో సమాధానం దొరికే ఛాన్స్ అయితే ఉంది. టీడీపీ, జనసేన పొత్తు ఉంటుందా? లేదా? అనే ప్రశ్నలకు సైతం త్వరలో సమాధానం దొరకనుంది. అయితే పవన్ కళ్యాణ్ ఇతర హీరోల అభిమానుల సపోర్ట్ కోరుతూ తాజాగా కామెంట్స్ చేయగా ఆ కామెంట్స్ వైరల్ అవుతున్నాయి.

వారాహి యాత్రలో భాగంగా (Pawan Kalyan) పవన్ కళ్యాణ్ మాట్లాడుతూ చిరంజీవి, జూనియర్ ఎన్టీఆర్, ప్రభాస్, చరణ్ అంటే ఇష్టమని కామెంట్లు చేశారు. అయితే బన్నీ పేరును పవన్ ప్రస్తావించకపోవడం గురించి కొంతమంది నెగిటివ్ కామెంట్లు చేశారు. అయితే తాజాగా జరిగిన సభలో పవన్ కళ్యాణ్ మాట్లాడుతూ బన్నీ, తారక్, రవితేజ, చిరంజీవి, ప్రభాస్, చరణ్, మహేష్ అభిమానులకు ఒకటే చెబుతున్నానని అందరు హీరోలు నాకు ఇష్టమేనని అన్నారు.

మేమంతా కలిస్తే మాత్రమే టాలీవుడ్ ఇండస్ట్రీ అని ఒక్కసారి జనసేన పార్టీకి అండగా నిలబడాలని ఆయన చెప్పుకొచ్చారు. భవిష్యత్తు కోసం అడుగులు వేయాలని పవన్ కళ్యాణ్ పిలుపునిచ్చారు. ఇతర హీరోల అభిమానుల సపోర్ట్ లభిస్తే పవన్ కళ్యాణ్ కు కెరీర్ పరంగా మేలు జరుగుతుందని చెప్పవచ్చు. పవన్ పొలిటికల్ కెరీర్ విషయంలో సక్సెస్ సాధించాలని ఫ్యాన్స్ భావిస్తున్నారు.

రాజకీయాలకు సంబంధించి షణ్ముఖ వ్యూహంతో ముందుకెళుతున్నానని పవన్ చెప్పుకొచ్చారు. పవన్ కళ్యాణ్ కెరీర్ పరంగా జాగ్రత్తగా నిర్ణయాలు తీసుకుంటున్నారు. ఒకవైపు సినిమాలలో నటిస్తూనే మరోవైపు పవన్ కళ్యాణ్ పొలిటికల్ కెరీర్ పరంగా బిజీ అవుతున్నారు. పవన్ కు ఈ ఏడాది, వచ్చే ఏడాది అనుకూలంగా జరగాలని ఫ్యాన్స్ కోరుకుంటున్నారు. పవన్ రెమ్యునరేషన్ 80 కోట్ల రూపాయల రేంజ్ లో ఉందనే సంగతి తెలిసిందే.