అక్కడ ఎవరో కూర్చున్నట్టున్నారు కదా బాస్? నాకు కొంచెం ఆకలిగా ఉంది ఏమైనా దొరుకుతాయేమో చూస్తాను అని అన్నాను. …. చెప్తుంటే అర్థం కావట్లేదా దాబా క్లోజ్ అయిపోయింది అయినా ఈ టైంలో తినడానికి బయటికి రావడం ఏంటి? అని కొంచెం పొగరుగా అన్నారు. …. అదేంటి బాస్ అలా అంటారు పని మీద బయటకు వెళ్తున్నాను ఆకలి అనిపించి ఆగాను ఆ మాత్రం దానికి అంత సీరియస్ గా మాట్లాడవలసిన అవసరం ఏముంది? మీరు పక్కకు తప్పుకుంటే నేను నా పని చూసుకుని వెళ్ళిపోతాను అని అన్నాను. …. ఇంతలో బయట టేబుల్ దగ్గర కూర్చున్న ఇద్దరు వ్యక్తులు మా వైపు చూసి, ఏంట్రా అక్కడ గొడవ? అని అడిగారు. …. ఎవడో కస్టమర్ అన్న,, తినడానికి వచ్చాడట దాబా క్లోజ్ అయిపోయింది అని చెప్తున్నాము అని అన్నాడు ఒకడు. ఇంతలో దాబా లోపల్నుంచి ఒక వ్యక్తి బయటికి రావడం గమనించి, అదిగో ఆయన్ని కనుక్కొని ఏమీ లేకపోతే వెళ్ళిపోతానులే అంటూ వీళ్ళని తప్పించుకొని లోపలికి నడిచాను.
సరిగ్గా ఆ వ్యక్తి టేబుల్ దగ్గర కూర్చున్న వ్యక్తుల దగ్గరికి వచ్చేటప్పటికి నేను కూడా అక్కడికి చేరుకున్నాను. అక్కడికి వెళ్తూనే కూర్చున్న ఆ ఇద్దరు వ్యక్తులు స్మగ్లర్లు అని కన్ఫర్మేషన్ చేసుకున్నాను. ఆ లోపలి నుంచి వచ్చిన వ్యక్తి నన్ను చూసి, ఏమీ లేవు సార్,,, దాబా క్లోజ్ అయిపోయింది మీరు మరికొంచెం ముందుకు వెళితే అక్కడ మరొక దాబా ఉంది అది తెల్లవారి వరకు ఓపెన్ చేసి ఉంటుంది మీరు అక్కడికి వెళ్ళండి అని చెప్పాడు. …. చాలా ఆకలిగా ఉంది భయ్యా,,, పోనీ కనీసం కొంచెం మంచినీళ్లు ఇస్తావా? అని అడిగాను. ఆ వ్యక్తి కూర్చున్న ఇద్దరు స్మగ్లర్ల వైపు చూసి ఏదో సైగ చేసి లోపలికి వెళ్ళాడు. నేను పక్కనే ఉన్న ఒక టేబుల్ మీద కూర్చున్నాను. లోపల అంతా కామ్ గా ఉండడంతో బయట నన్ను అడ్డుకున్న వ్యక్తులు కూడా కామ్ గా పక్కకి వెళ్ళిపోయారు.
నేను అక్కడే కూర్చోవడంతో స్మగ్లర్లు …
