ఓపెన్ మైండ్‌తో చూడాలి.. నాకు నచ్చింది.. ఏజెంట్‌పై అమల రియాక్షన్!

ఎన్నో అంచనాలతో విడుదలైన అక్కినేని అఖిల్ ‘ఏజెంట్’ సినిమాకు రివ్యూలు ఘోరంగా వచ్చాయి. అఖిల్ ఎంత కష్టపడినా సినిమా మాత్రం

అఖిల్ అక్కినేని ‘ఏజెంట్’ సినిమా ఏప్రిల్ 28న గ్రాండ్‌గా రిలీజైంది. అయితే ఊహించని విధంగా సినిమాకు నెగెటివ్ టాక్ వచ్చింది. దీంతో రెండేళ్లకు పైగా ఈ సినిమాను తీసిన అఖిల్, సురేందర్ రెడ్డిని దారుణంగా ట్రోల్ చేస్తున్నారు. ఆశ్చర్యంగా అక్కినేని ఫ్యాన్స్ కూడా సినిమాపై సోషల్ మీడియాలో ట్రోల్స్, మీమ్స్ షేర్ చేస్తున్నారు.

అయితే ఈ సినిమా కోసం అఖిల్ రెండేళ్లకు పైగా కష్టపడ్డాడు. కానీ సినిమా మాత్రం ఘోరంగా ఫెయిల్ అయింది. తాజాగా ఈ సినిమాపై వస్తున్న ట్రోల్స్‌పై అక్కినేని అమల రియాక్ట్ అయ్యారు. ఏజెంట్ సినిమా, అఖిల్‌పై వస్తున్న ట్రోల్స్‌పై స్పందిస్తూ సినిమాలో లోపాలున్నాయని కానీ సినిమాను బాగా ఎంజాయ్ చేశానని ఆమె అన్నారు.

సినిమా బాగుంది

“ట్రోలింగ్ అనేది వస్తుంది.. అయితే అది ఎందుకు చేస్తారు అనేది కూడా నేను అర్థం చేసుకున్నాను. నేను నిన్న ‘ఏజెంట్’ సినిమా చూసాను.. పూర్తిగా ఆస్వాదించాను. అయితే సినిమలో లోపాలు ఉన్నాయి.. కానీ మీరు ఓపెన్ మైండ్‌తో చూస్తే ఆశ్చర్యపోతారు. నేను థియేటర్‌లో సినిమా చూసిన సమయంలో అక్కడ సగం మందికి పైగా లేడీస్‌యే ఉన్నారు. యాక్షన్ సీన్లు వస్తున్నప్పుడు అరుపులు, కేకలతో వాళ్లు బాగా ఎంజాయ్ చేశారు. కానీ నేను అయితే ఒకటి చెప్పగలను.. అఖిల్ తర్వాత చేయబోయే సినిమా ఇంకా బావుంటుంది.”
– అమల అక్కినేని

అదే మైనస్

నిజానికి సినిమాలో యాక్షన్ సీక్వెన్స్‌లు దాని కోసం అఖిల్ కష్టపడిన తీరుపై ప్రశంసలు వచ్చాయి. కానీ మ్యూజిక్, బ్యాక్ గ్రౌండ్ స్కోర్, విలన్ రోల్, హీరోయిన్‌తో లవ్ ట్రాక్, కథనం సరిగా లేవంటూ ఫ్యాన్స్ అంటున్నారు. స్క్రిప్ట్‌పై ఇంకొంచెం శ్రద్ధ పెట్టి ఉంటే సినిమా కచ్చితంగా బ్లాక్ బస్టర్ టాక్ తెచ్చుకునేదని సోషల్ మీడియాలో పోస్ట్‌లు పెడుతున్నారు.అఖిల్, సాక్షి వైద్య హీరో హీరోయిన్లుగా సురేందర్ రెడ్డి డైరెక్షన్‌లో వచ్చిన ఈ సాలిడ్ స్పై థ్రిల్లర్ మూవీ.. ఆడియన్స్‌ను అనుకున్నంతగా ఆకట్టుకోలేదు. భారీ బడ్జెట్‌తో తెరకెక్కిన ఈ చిత్రంలో మలయాళ మెగాస్టార్ మమ్ముట్టి కూడా కీలక పాత్రలో మెరిశారు. అయితే విశేషంగా తన పాత్రకు ఆయనే తెలుగు డబ్బింగ్ కూడా చెప్పుకున్నారు. మరోవైపు బాలీవుడ్ నటుడు డినో మోరియా విలన్‌గా నటించాడు. హిప్‌హాప్ తమిజా సంగీతం అందించారు. మొత్తానికి ఎంతో కష్టపడి తీసిన అఖిల్ ‘ఏజెంట్’ సినిమా ఇలా నెగెటివ్ టాక్‌తో బాక్సాఫీస్ దగ్గర ఘోరంగా విఫలమయ్యేలా కనిపిస్తుంది. మరి తర్వాత అఖిల్ ఏం చేస్తాడో చూడాలి.