Oka Koduku Prayanam | Emotional Telugu Story Series
ఒంటి గంటకు చేరుకొనగా అమ్మమ్మ గేట్ వే గురించి ఇంతకు ముందు వచ్చినప్పుడు కీర్తికి చెప్పినది విన్నది విన్నట్లుగా సౌమ్యకు వివరించగా , ఓహ్ అలాగా థాంక్స్ కీర్తి అంటూ ఎత్తుకొని ఇంకా ఏమేమి తెలుసు నాకు చెప్పవా అని అడుగగా నాకు ఇంతే తెలుసు అక్కా అదిగో ఆ బుక్ కొన్నామంటే మొత్తం చదువుకోవచ్చు అనగానే బుక్స్ అమ్ముతున్న అతన్ని పిలిచి రెండు బుక్స్ కొని కీర్తికి ఇచ్చి అర గంటపాటు సెల్ఫీలు మరియు ఫోటోలు దిగి దగ్గరలోని స్టార్ హోటల్లో ఎవరికిష్టమైన భోజనం ఆర్డర్ చేసి కడుపునిండా తినేసి అక్కడి నుండి సాయంత్రం వరకూ ముంబైలోని మెయిన్ మెయిన్ టూరిస్ట్ ప్రదేశాలన్నీ సౌమ్యకు చూపించి రాత్రి 8 గంటలకు ఇంటికి చేరుకున్నాము.
ఇంటికి చేరుకునేటప్పటికి అలసిపోయి ఉండటంతో లగేజీ ఎలా సర్దుకోవడం అంటూ నీరసంగా లోపలికి రాగా అప్పటికే హాల్ లో మా మొత్తం లగేజీ పని మనుషులు సర్దేసి ప్యాక్ చేసి రెడీగా ఉంచగా లవ్ యు అమ్మమ్మా అంటూ వెనుకకూ తిరిగి కౌగిలించుకోగా , బంగారు నాకు తెలియదా అంటూ తలపై ప్రేమగా నిమిరి ఇక ఫ్లైట్ కు 3 గంటల సమయమే ఉంది త్వరగా ఫ్రెష్ అయ్యి ఇంకేమైనా మిగిలి ఉంటే కిందకు తెచ్చెయ్యండి డిన్నర్ చేసి ఎయిర్పోర్ట్ కు వెళదాము అని చెప్పగా అందరమూ ఎవరి రూంలలోకి వాళ్ళు వెళ్లి ఫ్రెష్ అయ్యి వచ్చి తినేసి లగేజీ అంతా ఒక వెహికల్ లో మేమంతా వ్యానులో అమ్మమ్మ ప్రక్కనే కూర్చొని జాగ్రత్తగా ఉండమని చెబుతూ దివ్యక్క పెళ్లికి మీకు ఎన్ని రోజులు ముందు వీలు కుదిరితే అప్పుడు వచ్చెయ్యండి అని చెప్పగా సరే బంగారు అప్పటివరకూ ఈ వారం రోజుల సంతోషమైన స్మృతులను నెమరువేసుకుంటూ ఆనందంగా కాలం గడిపేస్తాను అంటూ ముందు అమ్మల ఒడిలో కూర్చున్న కీర్తిని ఎత్తుకొని అమ్మమ్మ తన ఒడిలో కూర్చోబెట్టుకొని వైజాగ్ వెళ్ళాక ఈ అమ్మమ్మను మరిచిపోకు అంటూ బాధను లొలొపలే దాచుకుంటూ నవ్వుతూ చెప్పగా ,
అమ్మమ్మా మీరు ఇక్కడ ఉన్నారు రోజు అన్నయ్య ఇచ్చిన ఫోన్ నుండి రోజూ కాల్ చేస్తాను ఈ వారం రోజులు మీరు చూపించిన ప్రేమను నా జీవితాంతం మరిచిపోను అమ్మమ్మా అంటూ ఉద్వేగంతో చెప్పగా మా బంగారుకొండ అంటూ …
